1600 ＋ 800 像素有乜用？ G5 雙鏡頭功能各不同
LG G5 係主相機方面，配有二顆鏡頭。當中較為主要的是 1600 萬像素的標準鏡頭，視角約 78 度，支援 OIS 以及自動對焦。次相機是超廣角，視角約 135 度，但像素只得 800 萬像素的鏡頭，要留意次相機係沒有 OIS 而且沒有自動對焦的。係不連結 Cam Plus 的狀態下，G5 在拍攝功能上，有標準與廣角二種模式，按屏幕內的圖示即可切換，標準模式自然係使用 1600 萬畫素拍照；當有需要用到廣角時，就會自動改為 800 萬像素次相機拍照，可以見到二個鏡頭平常係分開運作的。但在某些特殊的拍攝場景時，其實兩個鏡頭可以並用。
▲ G5 雙鏡頭，右邊較為大粒的，係 800 萬像素廣角相機，左邊細粒的才是 1600 萬像素 OIS 主相機。
▲ 標準模式情況下，視角大約 75 度。
▲ 廣角模式，視角就大約有 135 度。
實拍效果你滿意嗎？
二個鏡頭規格有異，用途亦都唔同，以下就分別使用標準與超廣角模式拍攝，大家又覺得實際效果如何？係睇相前，需要提提大家，版主試玩的只係工程機，表現同開賣之後的 G5 表現或有不同，所以大家作為參考就好。以下照片，左邊是 1600 萬像素 OIS 主相機拍攝，右邊為 800 萬像素廣角相機拍攝，以原圖上傳：（手機版用戶，較上的圖片係用 1600 萬像素 OIS 主相機拍攝，而下方圖片就係 800 萬像素廣角相機拍攝。）
同場加映！變焦滾輪 + 實體快門 + 額外電量 G5 CAM Plus 一手試
係發佈會上，大家都見到 LG G5 會有一個專用的 Cam Plus （即係一個內建電池的撞把），呢個 CAM Plus 有齊滾輪、快門鍵、錄影快門鍵，以及一個一推就啟動相機功能的小型快捷鍵。本體頗為厚，是因為本身有一個 1200mAh 電池，所以 G5 裝上後，會有高達 4000mAh 的電量，滿足需要長間時拍照用家的需求。手感方面，Cam Plus 因為有一定厚度，即使揸機都可以拎得非常穩，右手食指剛好可觸及二個快門同滾輪，手感基本上無問題。當手機連接 Cam Plus，標準模式以及廣角模式的切換，就會整合在滾輪上。相機啟動預設是標準模式，用主相機拍照，往前滾就是拉近 ZOOM IN 放大，此時繼續是主相機拍照。不過當滾輪往後滾，手機就會自動變成 800 萬像素相機拍攝的超廣角模式。這種滾輪操作方式非常直覺，而且係無縫式操作，用起來就好似滾來滾去來調至一個你想要的焦段，並唔難用。
最後，大家不紡睇完版主實機試玩片段，再分享下意見啦～
▲ G5 魔術插槽目前有二個配件，上方是 B&O 音樂配件，下方就是 Cam Plus。
▲ Cam Plus 本體就是一個內建電池的相機手把，
▲ 替換時，要把 G5 的手機電池接上去，然後插入手機。
▲ Cam Plus 內建了 1200mAh 電池，裝上後，G5 就能擁有 4000mAh 總電量。
▲ G5 模組配件目前有二種，掌控拍照的 Cam Plus 有趣之餘也具有很高的實用性。
▲ 由左至右有四顆功能紐，左起依序是：啟動快捷鍵、變焦滾輪、拍照快門鍵、錄影按鈕。
▲ 滾輪非常好用，不過相機快門按鍵很軟，控制會有點困難，希望上市前還有機會調整。
▲ 主要功能鈕都可用右手食指輕鬆控制。
▲ 注意屏幕上方中間位置的樹木圖案，呢個就係標準同廣角模式的切換快捷鍵，沒有 Cam Plus 時就要點擊切換，裝上 Cam Plus 時就唔使用佢啦，靠滾輪控制就可以。
▲ 這是預設的標準模式，注意左邊有個變焦的綠色顯示 BAR。
▲ 當滾輪一轉會變廣角，此時就是以超廣角模式拍攝（800 萬畫素相機）。
LG G5 評測及報導
驚嚇式抽拆換電! LG G5 推開機底，模組現場試恨不得平價立即入？LG G5 發佈！S820 CPU + 4GB RAM 好威威
揮低舊旗艦? LG G5 外型、規格 比拼 G4、V10
有圖有片動眼看！1600+800 萬像素雙鏡頭 LG G5 版主超詳測
LG G5 UI 大陸化！外媒評測狠批預設無 App Drawer
LG G5 飛甩 App Drawer 大陸化？Google 都 Buy 喎
插卡又如何？Galaxy S7、LG G5 不支援 Adoptable Storage
G5、S7 Edge 鬥跑分！旗艦效能大戰， Samsung 還是 LG 蠃？
規格全面比拼 ！f1.7 大光圈 S7 Edge 大戰 LG G5，撐邊個？
LG G5 係文章刊登時，售價未定，按這裡有詳詳細規格及最新賣價
