LG G5 開賣要延期？CAM Plus＋Hi-Fi 模組香港定價曝光！

Lawrence 2016-03-24 14:16 | LG

LG 之前係香港正式發佈左 G5 ，但係大家想知道的開賣資料，佢哋反而未有提到，除左開賣日期係幾時之外，連 G5 最重要的 Friends（即係其他模組）價錢都未有公佈，相信令有意入手的朋友都好頭痛。幸好，版主又收到消息啦，想知到底 G5 最終幾時到貨，其他模組又會賣幾錢的朋友，即刻來睇睇！

LG G5 港行開賣，看來又要延期了

講真， LG G5 用上 $5698 呢個價錢，卻唔包其他模組，實在令人相當失望（版主都估唔到 LG 會咁「進取」）。雖然定價同上年的 LG V10 以及 G4 相差唔大，但係要知道主要對手 Samsung 已經用上調低定價加開賣再減價的策略，上年 S6 edge 開賣講緊要六千幾蚊，而家 S7 edge 價錢同 LG 相比只係差一百蚊。此消彼長之下， G5 性價比已經唔算高了，往後劈價勁唔勁，將會相當重要。

不過係開賣日期方面， LG 唔講看來係有難言之忍。之前版主 Keith 提過， LG G5 預訂要等到 3 月 30 號，仲要 4 月 6 號先到貨。而家看來 4 月 6 號呢個日期都太樂觀了。因為版主聽聞， G5 暫定改為 4 月 15 號賣街。要到 4 月中先開賣，看來勢必同 HTC 的新旗艦有一番惡鬥呢！


▲ LG G5 定價唔算抵，但係其模組化設計的確幾有睇頭嘅。

LG G5 模組香港價錢首次曝光！

再來就係同大家分享下 LG G5 模組價錢，首先要講清楚，目前版主未有 LG G5＋模組同梱裝定價的消息，所以之後相信會有新消息都唔定。但從現有資料看來，如果大家用正價入手 LG G5 同相關模組，看來都要花費唔少。（但從正面咁睇， LG 係台灣方面都有首賺活動， 4 月 30 號前買機都會送一個 CAM Plus 模組，或者香港都係呢！）以下就係 LG G5 配件的定價，會唔會有優惠活動就要之後先知了。

LG CAM Plus - $698
LG Hi-Fi Plus with B&O Play - $1998
LG 360 VR - $2598
LG 360 CAM - $2598
LG G5 Battery Charging Kit - $398
LG Quick Cover - $349


▲ 係台灣方面， LG G5 定價 23900 台幣（大約係 $5730 港幣左右），比香港貴少少，但首輪會送返 CAM Plus 模組，如果香港最終唔送，實在講唔過去呢！


▲ LG G5 的 Quick Cover 係台灣方面定價係 1490 台幣（大約為 $357 港幣），同版主收到的香港定價近似。

在文章發佈時， LG G5 於 4 月 6 日上市，定價為 $5698，按此看手機詳細規格及最新賣價。