LG G5 大鋪＋ csl 一律「照價再減」 $700！
吸收了 Samsung S7 edge 的經驗，大家應該都明白，而家買機未必係「遲買平幾舊」，而係「預售平幾舊，遲買變正價」。 LG G5 由 4 月 6 號起到 4 月 14 號都係預售階段，可能因為聲勢上比起之前的 S7 edge 差一點， LG 都要用非常手段去應對。版主問過衛訊、百老匯、豐澤等大鋪， LG G5 係預訂階段，價錢已經「照價再減 $700」，即係由 $5698 減至 $4998 。而近排同樣有賣淨機的 csl 其實都有提供預訂淨機服務，價錢就係 $4980。贈品方面，除左有 LG 大方送贈的「原廠透明保護底殼」之外，一般只會多張芒貼，模組都要加錢買。經過之前大鋪劈價戰，大家可能對手機減價已經感到麻木，但對比以往 LG 旗艦，今次 LG G5 係預訂階段的減價其實可能係減得最多的一次。以 LG G4 為例，係開賣左一個月大鋪減價之後，價錢都仍然要 $5198 ，但 G5 今次卻係一減就即跌穿 $5000 。不過，係對手 Samsung Galaxy S7 調低定價再減價之後， LG G5 仍然未算係最平 2016 大廠旗艦呢！
▲ LG G5 係大鋪價錢可以話「公價」，一律減 $700 ，不知是不是 LG 主動調低？
▲ 連上次 S7 edge 首日預售未有跟上減價的百老匯，一樣係減 $700。
LG G5 模組又點賣？大鋪正價賣， 3HK＋ csl 上台送
模組都係大家好重視的一環，但看來 LG 的盤算係透過減機價去吸引大家入手 G5 模組，所以係版主問左多間大鋪，手機模組價錢都係跟返 LG 的建議售價（即係 CAM Plus 要 $498 同埋 Hi-Fi Plus 要 $999），而兩用充電套裝或者係 Quick Cover 一樣係要加錢換的。以衛訊為例，G5 兩用充電套裝價錢為 $248 而 Quick Cover 就要 $198 。有無方法入手 LG G5 的同時又有模組送呢？現階段看來，只有上台先做到了。當中 3HK 以及 csl 都一樣以預售期間上台出機，即送 Hi-Fi Plus 模組為賣點，當中 3HK 會送多個 Monster n-tune 耳機或者係平板， csl 就會送 $400 手機配件禮劵以及豁免每月增值服務，到底係買淨機好還是上台出機比較抵真係好難講，對於有意買 LG G5 的朋友來講，你又會選擇係預訂期間買機還是等多陣再決定呢？留言講講吧！
▲ csl 有淨機以及上台出機兩個選擇，但只有上台才會送 Hi-Fi 模組。
▲ 3HK 不同月費會有不同的優惠，當中 Hi-Fi 模組要 498 以上月費才會送。
LG G5 評測及報導
驚嚇式抽拆換電! LG G5 推開機底，模組現場試恨不得平價立即入？LG G5 發佈！S820 CPU + 4GB RAM 好威威
揮低舊旗艦? LG G5 外型、規格 比拼 G4、V10
有圖有片動眼看！1600+800 萬像素雙鏡頭 LG G5 版主超詳測
LG G5 UI 大陸化！外媒評測狠批預設無 App Drawer
LG G5 飛甩 App Drawer 大陸化？Google 都 Buy 喎
插卡又如何？Galaxy S7、LG G5 不支援 Adoptable Storage
G5、S7 Edge 鬥跑分！旗艦效能大戰， Samsung 還是 LG 蠃？
規格全面比拼 ！f1.7 大光圈 S7 Edge 大戰 LG G5，撐邊個？
在文章發佈時， LG G5 定於 4 月 15 日上市，大鋪預訂價為 $4998，按此看手機詳細規格及最新賣價。
