LG V10 大鋪加送電池模組，機價最多平 $200！
之前同大家提過 Sony 的 Z5 以及 Z5 Premium 係百老匯有暗減價，其實 LG V10 一樣都有。其實 LG V10 大鋪開始再減價唔係新鮮事，版主都留意左一個星期，較早時百老匯有部份分店將價錢調低至 $4298 再送電池套裝，而衛訊方面就只送電池套裝但再送 32GB 記憶卡。來到今個星期， V10 不論係百老匯還是衛訊，價錢都已經落到 $4198 ，電池套裝一樣有送呢！（衛訊方面就由 32GB 卡改為送 16GB 卡）不過，如果想用更便宜的價錢入手，其實 LG V10 係深水埗細鋪行貨價錢更平！版主發現， V10 剛剛係鴨寮街細鋪已經落至 $3998，雖然同大鋪相比只係平多 $200，但係跌穿 $4000 應該落到不少朋友的心理價位吧！
▲百老匯先前暗減 $100，而家就加碼至 $200 同送電池套裝。
▲衝訊一樣可以做到 $4198 再送電，實際上已經係「即減 $1500」了。
▲ 係深水埗鴨寮街，行貨價錢已經落到 $3998，跌穿四千。
LG G4 一樣有得平買
同樣係 2016 年推出的旗艦，因為 G4 受到「死底板」問題所影響，所以版主並不建議入手水貨的，因為 LG 香港官方聲明只係保證香港行貨在保養期內會得到保障啊！以行貨來講，其實 G4 係 SUNMobile 會係比較抵玩的，因為而家大鋪一般要價 $3298 ，但係 SUNMobile 淨機價只係 $3198，同 V10 差距 $1000 大家又會點揀呢？留言講講吧！
▲LG G4 係 SUNMobile 淨機價為 $3198，某程度上，上台出機反而唔抵玩呢！
在文章發佈時，LG V10 大鋪賣價為 $4198，按此看手機詳細規格及最新賣價。
在文章發佈時，LG G4 大鋪賣價為 $3298，按此看手機詳細規格及最新賣價。
