比原裝真 G5 平六舊水
有人話 HTC 好過份，有部 HTC 10 居然出多部 HTC 10 Lifestyle，功能、外型全部一樣，但轉左粒 CPU！但 LG 一樣咁過份! LG G5 都有「降呢」版! 同樣做到外型、設計一模一樣，但不單 CPU 降呢，連 RAM 都降埋呢! 售價當然都要「降呢」! 呢部 「降呢」版 LG G5 SE，真係 Special Edition！處理器由 Qualcomm S820 改為 S652，好聽 D 咪話由四核心變為八核心囉...但 ePrice.HK 網友，十個有九過追效能，Snapdragon 六字頭，仲唔強加嫌棄咩！版主覺得改 CPU 其實無乜所謂，S652 其實更加慳電。我唔打機嘅，Snapdragon 6 字頭 CPU 其實仲慳電，但 RAM 由 4GB RAM 變左 3GB RAM 呢....。LG G5 SE 官方定價為 $4698，但大舖有即減，減成八舊水! $3898 就買到。終於可以係大舖，買到 G5 唔駛四千蚊啦! LG G5 SE 其他功能與 LG G5 一致嘅，包括用到不同嘅 LG Friends 配件! 順帶一提，真正 S820 + 4GB RAM 版 G5 都只係賣 $4498，呢六百蚊，你會點揀平定揀正貨?
▲ LG G5 SE 已係各大門市有售了。
▲ LG G5 SE 由外型與 LG G5 跟本無分別。
LG G5 SE 係文章刊登時，賣價為 $3898，按這裡有更詳細規格及最新賣價。
