賣價 + 優惠 + 開賣資訊！入手 LG V20 你要知的 7 件事

左定坤 (Cho Ting Kwan) 2016-10-20 11:10 | LG

下半年度比較受網友關注的旗艦手機，LG V20 應該都算是其中一部，至少版主目測，見到都有不少網友等緊呢部手機。十月初的時候，第一批水貨抵港，當時版主 Keith 已經好快手俾大家睇呢部機的真面目，到今日，呢部 V20 終於正式香港開賣，當然，賣價幾多版主之前已經收左風爆俾大家聽，只差的是官方的一個確認。另外，如果有興趣想入手 V20 的話，又有乜野你係必須要知架呢？即刻睇下啦！



001：香港會賣幾錢呢？
根據 LG 官方的說法，LG V20 的建議零售價為 $5998，同版主之前所說的一樣。呢個價大家係咪接受唔到呢？唔緊要，大舖有「即減優惠」。

002：大舖「即減優惠」減幾多？
其實大舖即減幾多呢，之前在版主爆價的時候，都已經同大家提過。版主向衛訊查詢過，V20 會有「即減 $600」的優惠，即賣價為 $5398。

003：香港會有乜顏色？
LG V20 香港會推出鈦黑鋼、閃亮銀以及冰晶粉三種顏色。



004：甚麼時候預訂、開賣？
LG V20 現於各大特約網絡供應商以及零售商接受預訂，並將於 2016 年 10 月 28 日正式公開發售。

005：香港版同水貨有甚麼不同呢？
香港版係有雙 SIM，支持雙卡雙待功能，而水貨版則沒有。同樣配備 Qualcomm S820 處理器，內置 4GB RAM 以及 64GB ROM，並支持 microSD 擴充。

006：跟機會有乜野配件呢？
跟機會有支持 Quick Charge 3.0 的火牛、USB 線、以及 B&O 耳機。

007：預訂會有乜野着數優惠呢？
凡於 10 月 27 日或以前預訂 LG V20，客戶可續享 LG V20 額外一年本地保養，即係總共有兩年，大家可以放心使用。

LG V20 在文章發表時，未在香港上市，大舖賣價為 $5398，按這裡有詳細規格及最新賣價。