不過版主都知道，接住落黎仲有好多新機出現，或者可以睇定啲先，就好似啱啱咁，LG 就在 MWC2017 發表了新機，毫無懸念係旗艦級的 G6，除左傳聞中的規格之外，G6 仲會唔會有其他特別之處？睇下文啦！
5.7 吋大屏幕，屏佔比更高！
外型設計上同之前流出的諜照一樣。咁版主我好老實咁講，今次 LG G6 嘅設計，確係比起上代 G5 似樣番啲，無上代咁核突，至少你睇下雙主相機部份，唔會好似 G5 咁凸哂出黎。但會唔會令版主因而覺得佢好靚呢？暫時未有咁嘅感覺，就咁睇都係普通一部手機，或者遲下真機上手，就可能會有不同的睇法。繼承了以往 LG G 系列旗艦手機的風格，開關鍵都係設於機背部份，同樣支持指紋辨識，而音量鍵則放番去機身左邊，不過今次 G6 屏幕就相比 G5 更大，有 5.7 吋 2K 解像度，比例為 18：9，而且屏佔比亦明顯大左好多。另外，顏色方面有白、銀、黑三種選擇。
▲ 以上就係 LG G6 的正面以及背面圖。
▲ LG 表示，G6 具備 5.7 吋大屏幕，但唔代表就連機身都要跟住大，雖然屏幕有 5.7 吋，但機身大小同市面大部份的 5.2 吋手機差不多。
▲ 如傳聞嘅一樣，都係用上 Full Vision 技術，而發佈會中 LG 不斷強調 G6 上的 18:9 顯示屏有幾好。
▲ 機側會有切割，顯得更為美觀。
▲ 背後會見到有雙主鏡頭，兩個鏡頭之間會有閃光燈。
▲ 一共有三種顏色，分別為銀、黑、白。
▲ 使用了弧形屏幕，增強視覺體驗。
▲ LG G6 亦具備 Dolby Vision 技術，能夠讓 G6 顏色更清更鮮鰪。
配備 S821 處理器 + Quad DAC 音效晶片
規格方面，果然 LG G6 係無用 Qualcomm S835 處理器，我估計呢粒 U 可能仲未 Ready 好，我估架啫，係唔係仲要睇埋 Samsung S8 用唔用到先知道。不過，而家無 S835 用，唔代表之後都無，LG 每年的重點旗艦 V 系列，我估到時應該會用到。唔扯咁遠，講番 G6，G6 配備了 S821 處理器，記憶體依舊維持 4GB 水平， 而電量則有 3300mAh，相比 V20 略大。就這樣看來，似乎 G6 純屬 G5 的小改之作。不過，G6 在音效表現會有所提升，用上由 ESS 32-bit Quad DAC 音效晶片，提供媲美 V20 的音樂體驗。另外，LG G6 亦支持 IP68 防塵防水功能，有咁嘅特色，你又受唔受呢？
▲ 相機方面，LG G6 配備了兩個 1300 萬像素鏡頭，同以往一樣，F1.8 光圈果個係用來正常拍攝，而 F2.4 光圈果個，則係用來廣角拍攝，並支持 125 度廣角。另外，G6 亦支持 4K 影片拍攝。
▲ 具有 3300mAh 電池。
▲ LG 亦強調 G6 相當安全，並有一些措施防止發熱的問題。
▲ LG G6 支持 IP68 防塵防水。
▲ 總結規格資料。
LG G6 在文章發表時，香港上市日期未定，按這裡有詳細規格及最新賣價。
