$1300 入手魅藍 5s，性價比夠唔夠高?
雖然唔係成日想講大陸機，不過版主都有義務要同大家 update 一下，手機的最新場情。先講講上個月魅族發表的新手機魅藍 5s，最近版主在深水埗行場時發現，原來魅藍 5s 水貨已經在香港開賣緊，而且價錢都唔貴，只需 $1300，有 5.2 吋屏幕、3GB RAM 以及 32GB ROM，配備 1300 萬像素主鏡頭以及 500 萬像素前置鏡頭，內置 3000mAh 電池，並支持 18W 快充，聽落好似唔錯。但真係講到最大敗筆，應該是所用的 MTK MT6753 處理器。不過 $1300 呢個價錢，你又點睇呢?
▲ 魅藍 5s 只係賣緊 $1300，有 3000 電有快充，其實都算可以叫做抵玩。
▲ 大陸品牌除了魅族，小米最近出呢部紅米 Note 4X 都性價比好高，$1099 咋。
日韓手機性價比鬥大陸機?
大陸機重點只係魅藍 5s 的賣價，咁到底大廠手機會唔會有更抵玩的選擇呢? 咁版主就留意到，一到三月，LG 的入門手機都有減價，X Screen 如果你有建設銀行信用卡的話，喺蘇寧賣緊 $1398，比之前平多一舊水。而 X Cam 則在百老匯有恆生信用卡優惠，$1598 就可以平玩廣角鏡頭，唔知你又有無興趣呢? 至於 Sony 手機來到今個月，都有着數，Xperia XA 由原來的 $1798 減為 $1498，又會唔會係你的選擇呢?
▲ X Screen 優惠要在蘇寧先至有，有建設銀行信用卡，只需 $1398 入手。
▲ 百老匯亦都有恆生優惠，有恆生信用卡，X Cam 可以優惠價 $1538 購得。
▲ 除了 LG，Sony 的千元手機都有減價，$1498 就能夠入手 Xperia XA，相信是因為 Xperia XA1 要來了吧?
ePrice 比拼系統，日韓手機夠唔夠魅藍 5s 鬥?
▲ 按上圖或按這裡，進入 ePrice.HK 手機比拼系統，睇下 LG X Cam、X Screen、Sony XA 夠唔夠魅藍 5s 抵玩。
魅藍 5s 在文章發表時，香港上市日期未定，按這裡有詳細規格及最新賣價。
LG X Cam 在文章發表時，大舖賣價為 $1538，按這裡有詳細規格及最新賣價。
LG X Screen 在文章發表時，大舖賣價為 $1398，按這裡有詳細規格及最新賣價。
Sony Xperia XA 在文章發表時，大舖賣價為 $1498，按這裡有詳細規格及最新賣價。
小米紅米 Note 4X 在文章發表時，大舖賣價為 $1099，按這裡有詳細規格及最新賣價。
