001 ：鋁金屬 x 玻璃物料 機身唔重
曾經手機潮流興用全金屬物料打造機身，雖然好睇，但亦令手機重量，有番咁上下。LG G6 有更新穎嘅設計，外殼以鋁金屬及玻璃物料打造而成，兩種物料一齊用，令 LG G6 有金屬手機的質感之餘亦不失輕巧，而啞色金屬邊框設計，亦提升觀感。
▲ 重量是 163 克，比起同樣是 5.7 吋屏幕的 V20，輕身了不少。
▲ 背面的鏡頭亦與機背成一平面，可降低鏡頭刮花損毁的風險。
002 : 手感特別好
雖然是5.7 吋屏幕，但 LG G6 絕對唔大部，LG 搵了美國賓夕法尼亞州立大學 Andris Freivalds 博士及南韓延世大學的 Ji Yong-gu 博士帶領的人體工學研究小組，對 LG G6 進行多種測試，G6 係手持時的穩定度、不同握法的舒適度，以及長期使用 G6 會否引致肌肉疲勞等，LG G6 在所有測試範疇中均獲得最高分數，可見長期手握 G6 也會好舒服。
▲ LG G6 的握感真的不錯呢。
003 : IP68 防水及防塵規格
LG G6 是 LG 旗艦國際版機種，首次加入 IP68 防水及防塵規格。IP68 代表乜？IP 即防護等級（Ingress Protection)，前面的 6 字，是防塵等級，等級 6 代表灰塵無法進入手機，可完全防止接觸塵埃。第二位的 8 字，是防水等級。8 級代表 LG G6 可浸入淡水中約 1米一段短時間，對手機也不會造成負面效果。呢個等級己足夠應付日常生活如雨水，不小心倒瀉水對手機帶來的損害。
▲ IP68 防水防塵等別，足夠日常遇到的水濕情況! 大家都可以放心使用。
004 通過軍事級測試
除了防水防塵，LG G6 用上三招，提升手機耐用度。手機屏幕採用強化玻璃，比起前一代，更有效抵抗手機高處跌下，對屏幕的破壞。手機設計亦有抗跌功能，手機外圍及屏幕的四角同為圓角設計，有助分散手機跌落時所承受的沖擊力。配合埋 AL6013 鋁合金邊框，LG G6 通過了 MIL-STD-810G 美國軍用摔落測試，呢個 Test 的成功，代表 LG G6 已達軍事級的保護性能。
▲ 屏幕的四角同為圓角設計，有助分散手機跌落時所承受的沖擊力。
005 改良過的防手機發熱機制
LG G6 首次引入最新的散熱導管技術，配合鋁合金邊框，能有效散發內部熱力；而 LG G6 零件的位置作特別編排，讓散熱效果更顯著。我哋用 AnTuTu 作跑分測試，發覺 LG G6 沒有因手機太熱，而減慢效能，得分亦係跟 Qualcomm S821 處理器應有的水準。在跑 Benchmark 時，我哋亦用 CPU-Z 軟件作測試，在跑分時，CPU 温度亦在 40 度左右，十分合理。可見 LG 在 G6 防手機發熱的機制，下了不少功夫。
▲ 為了測試手機的散熱情況，我哋先來打一陣 Game。
▲ 再用 CPUz 看看手機的温度，最高也只係 45 度左右，唔算熱。
▲ AnTuTu 跑分為 138667 合乎 Snapdagron 821 處理器應有速度。
小結：耐用度好高
大部份網友提起 LG G6 都會係雙鏡頭、32bit Quad DAC、當然不少得是 18:9 支援 Dolby Vision 屏幕。但其實 LG 花了不少心機去提升 LG G6 的耐用度，真心用機的，呢樣先係最重要。咁大家買機個陣，識揀啦！資料由客戶提供
