上手感覺
LG G6 第一手感覺，好 Feel 到當中嘅改進，仲可以用「好全面」來形容，直接 D 黎講，即係比前代變咗好多。用完上一代 LG G5 後，我感受到 LG G6 設計上嘅改變，由皮到膠進化到「金屬」，令 LG G 系手感提升了不少。雖然話就話係一部金屬機，可是我拎上手又覺得呢部又唔係咩金屬機。外表上見到係一部銀色嘅機體，摸上手絕對感覺唔到 iPhone 同 HTC 嗰種金屬感，敲擊機背發出嘅聲音更加會令你質疑，到底我敲擊緊咩野 ? 睇返資料就講佢係使用左鋁金屬及玻璃物料，而採用左金屬邊框設計。今代 LG G6 放棄咗換電嘅設計，改為一體化，意味住今年主流品牌嘅旗艦機已經無得換電，換電設計呢樣野已經走入歷史，當然喺無得換電後換黎嘅係 IP68 防水及防塵規格。
▲ 一拎起上手，無「界刂」手嘅感覺，四四方方貼緊手型，唔會有揸唔穩嘅感覺。拎上代 LG G5 做大細比較，發覺 G6 與 G5 其實差唔多 Size ，相比上代屏幕大左，去到嘅 5.7 吋，試諗下單手揸到部 5.7 吋手機都幾爽，大 mon 之餘都可以單手打字。
▲ 機背就同過往一樣，有一個雙鏡頭、閃光燈及一個指紋感應器，當中鏡頭支援1300萬像素，後置雙鏡頭支援 125° 廣角拍攝。
▲ 機底有叉電頭同喇叭，而且由上代開始全面使用左 USB Type-C 頭，有時我覺得廠應該要快快手全面推動下 USB Type-C 頭，若大部份手機都用 Type C，平時問朋友借充電線都方便好多。
▲ 望到呢但位，又有D似 Samsung Galaxy Note 5 頂部嘅設計，金屬嘅邊框中間有天線外露。同樣地最令人感動嘅係有返= 3.5mm 耳機頭，至少我覺得我隻私人耳機仲有拎出街用嘅價值。
▲ LG G6 支援雙卡雙待，不過同上代一樣，Micro SD 卡同埋 Sim2 係共用同一個槽。
跑分 + 效能
之前傳言 Samsung 拎曬所有 Qualcomm Snapdragon 835 存貨，LG G6 迫住用 Qualcomm Snapdragon 821，務求盡快出貨俾到大家玩。走到2017年，整體上只要你唔係打緊高效能遊戲的話，已經分唔清 Snapdragon 820, Snapdragon 821, Snapdragon 835 之間嘅分別，對於我平時拎黎用Social Media app 覺得只要你部機省電就夠了。跑分只係一個指標到底有幾快，最後都要睇下手機廠寫 rom 嘅實力吧。
▲ Antutu 跑分有13萬分，排名黎講只係快過 Galaxy Note7 少少，不過唔緊要啦，唔會爆炸先係重要。
▲ Geekbench 結果都見到單核能力其實同 Exynos 8890 CPU 差唔多，當然去到多核嗰陣只係剛剛好跑嬴左上半代嘅 Snapdragon 820 CPU 嘅電話。
相機部份
LG G6 鏡頭支援1300 萬像素，後置雙鏡頭其中一個支援 125° 廣角拍攝。相對上代 Sensor 嘅關係，要影到最高像素嘅相片由過往嘅 16:9 變為 4:3，主鏡頭由上代1600萬＋800萬像素改為雙 1300萬像素，像素升跌黎到呢個年代已經差別唔大，最緊要嘅係拍攝出黎嘅質素。今次我用 iPhone 7 Plus 同 LG G6 黎對比。
▲ 左為 LG G6 ，右邊為 iPhone 7 Plus 嘅相。
▲ 左為LG G6 ，右邊為 iPhone 7 Plus嘅相。
▲ 左為LG G6 ，右邊為 iPhone 7 Plus嘅相。
▲ 左為LG G6 ，右邊為 iPhone 7 Plus 嘅相。
▲ 左為LG G6 ，右邊為 iPhone 7 Plus嘅相。
▲ 左為LG G6 ，右邊為 iPhone 7 Plus嘅相。
▲ 左為LG G6 ，右邊為 iPhone 7 Plus嘅相。
▲ 左為LG G6 ，右邊為 iPhone 7 Plus嘅相。
▲ 左為LG G6 ，右邊為 iPhone 7 Plus嘅相。
LG G6 相機拍出來嘅相片整體偏向冷色，即使喺白天定晚上都好，同 iPhone 7 Plus 相對下，顏色感覺係有少少偏離現實，雖然 LG G6 喺夜晚影到好光咁，但都唔夠 iPhone 7 Plus 黎影得自然。LG G6 嘅相機，有手動模式，而設定亦十分多，基本上識去微調的話其實可以影出唔少靚相，但係如果你打算拎黎做野，要快速地影野的話，可能有更好嘅選擇。
