S835 新機快到，LG G6 無得唔減價，跌穿網友心理關口未？
今次減價的兩部 LG 旗艦是 G6 以及 V20。先講左 G6，建議零售價為 $5998，原本係做緊「即減 $600」的優惠，而家因為 S835 旗艦就快到，佢無得唔減，即日變成「即減 $1000」，最新賣價為 $4998。如果你有 Citibank 信用卡，去衛訊買仲可以額外平多 $150，即係賣 $4848，呢個價錢，仲要額外送多一年保、一個原廠保護套以及 B&O Play 耳機，網友又覺得跌穿心理關口未呢？
LG V20 一樣有減！減多 $200 都係唔夠抵？
LG G6 減左價，咁變相 V20 都無辦法唔跟住劈價，自三月尾減價至 $4498 之後，V20 大舖賣價就一直企硬，直到今日先開始再有減價，不過減價幅度就無 G6 咁多，只係減多 $200 左右，最新大舖價為 $4298。但係咁，而家衛訊做緊 Citibank 信用卡優惠，只要有 Citibank 信用卡，同樣會額外減多 $150，即賣 $4148。不過相信唔少網友會心諗: S820 仲賣四字頭？跌到三千蚊再考慮！網友又係唔係咁諗先？
LG G6 在文章發表時，大舖賣價為 $4998，按這裡有詳細規格及最新賣價。
LG V20 在文章發表時，大舖賣價為 $4298，按這裡有詳細規格及最新賣價。