LG G7+ ThinQ 開箱！紅色真係好好 J！
其實版主今日並不是第一次見部 LG G7+ ThinQ，早在一星期之前我已經見過實機，不過當時果部係黑色，我個人覺得並不美觀之餘，而且望落去感覺「膠味」好濃。不過，今次版主借咗部紅色機，就覺得靚返好多，並沒有當時見到的黑色咁膠。G7+ ThinQ，雖然有 6.1 吋大芒，但因為屏幕比例為 19.5:9，拉長咗部手機，令手細的版主拎咗上手，並不會覺得很大，而且都算係幾舒服，有少許類似上代 V30+ 的質感。
▲ LG G7+ ThinQ 的包裝盒，面頭大大隻寫住 G7+ ThinQ。
▲ 跟 G7 ThinQ 不一樣的是，G7+ ThinQ 內置 6GB RAM + 128GB ROM。
▲ 而包裝盒其中一面亦印有支持頻段的資料。
▲ 開箱！值得一讚的是，G7+ ThinQ 包裝盒裡會見到有塊手機布，呢樣好多手機都唔會跟的。其他都係基本嘢，充電火牛、USB 線、SIM 卡針以及耳機。
▲ 充電火牛支持最高 9V / 1.8A 輸出，即係 16.2W。
▲ G7+ ThinQ 具有 6.1 吋 2K 芒。
▲ 上方的 M 字額是可以收埋的，不過真係唔明咁都叫做 Second Screen?
▲ 屏幕顯示用上圓角設計。
▲ 如剛才所說，版主今次借的是紅色的版本。
▲ 機背上方會見到有雙鏡頭以及指紋辨識鍵。中央部份會有 G7+ ThinQ 的字樣。
▲ 而下方則有 LG 的 Logo。
▲ 機身右側為開關鍵。
▲ 而左側則為音量鍵以及快捷開啟 Google Assistant 的按鍵。
▲ 機頂是 SIM 卡插槽。
▲ 而機底則是 3.5mm 耳機孔、USB Type-C 插槽以及喇叭。
▲ G7+ ThinQ 紅色明顯係靚過黑色多多些，如果想買機的網友，可以諗下紅色。另外，因為用上 19.5:9 屏幕比例，機身再進一步拉長咗，手細的我拎上手亦覺得挺舒服。
LG G7+ ThinQ 效能測試：安兔兔跑分結果不如預期？
LG G7+ ThinQ 配備了 Qualcomm S845 處理器，內置 6GB RAM 以及 128GB ROM，以配置來說，並不比現今大部份的手機差。而一般而言，配備 S845 處理器的手機，安兔兔跑分理應會有至少 25-26 萬的成績，然而版主測試過手上的 G7+ ThinQ，發現跑分只有 227804 分，同正常應有的分數相差一截。以為只是版主手上這部「剛巧」咁唔好彩咁低分? 同場有另一位行家只跑出 21 萬多的分數，到底是甚麼原因讓 G7+ ThinQ 跑分不如預期？你又點睇呢？(5/25 進一步更新：第二次再跑一次分，就得出了 264014 的分數，高分咗又代唔代表到啲咩呢?)
▲ 安兔兔跑分結果為 227804 分，當中 CPU 成績只有 73648，相比三星 S9+ 低近二萬分；而 GPU 成績則為 98509。
屏幕最高支持 1000nits！陽光底下睇得更清晰！
LG G7+ ThinQ 其中一個 sell 嘅賣點，就係其 Super Bright Display，屏幕亮度高達 1000nits。你問要咁光黎有咩用？平時就可能無用嘅，但當你去到猛烈陽光底下時，普通的手機未必能夠睇得清楚內容，但 G7+ ThinQ 的 Super Bright Display 可以令屏幕變得好光，令到喺陽光底下都可以睇得到手機上的內容。
▲ Super Bright Display 模式，並不是自動打開的，而是需要手動。在平時調校亮度果個位，左邊會有個按鍵，除咗會顯示亮度百份比之外，按一下會調到 Super Bright Display 模式。從上面兩張圖中，可以見到無開同開咗 Super Bright Display 的差別，其實效果都蠻明顯的。
小結
初步試玩 LG G7+ ThinQ，整體感覺暫時尚算可以接受，其 Super Bright Display 亦都相當實用，但如果開啟咗 Super Bright Display，好肯定的是續航能力也會大大縮短。至於 G7+ ThinQ 其他的 AI 功能，例如 AI CAM，就等版主稍後再跟大家分享。對於呢部手機，除咗貴字之外，你還有甚麼評價呢？留言討論下啦！LG G7+ ThinQ 在文章發表時，建議零售價為 $6798，按這裡有詳細規格及最新賣價。