減價一日命
為咗確認折扣價係咪收番，版主今日首先去左上星期過去價既兩間百老匯睇睇，發現上星期見到的 「照價再減」牌已經被收起，而問過價錢的確賣 $5,698 ，店員話：「上個星期係有做過呢個價，但係做左一日就唔做啦，我地要跟建議零售價賣機。」版主問多句：「咁幾時會再有 $5,298 呢個價呀？」店員答：「暫時都唔會再減架啦，係賣 $5,698 架啦。」其後版主去搵另一間鋪既店員問問情況，佢都承認 $5,298 呢個價係存在過，店員亦好坦白咁話：「個價只做左一日，公司話收左某 D 壓力而收番。」不過受到邊一方既壓力，店員就冇提過啦。
「照價再減」被收番 網友最蝕
版主們一向都報大型連鎖店的手機售價，雖然理論上連鎖店手機價錢就是建議零售價，但百老匯通常都會用「照價再減」的粉紅色牌去標示減價機款；衛訊亦不定期推出折扣優惠，特價平賣某些機款，所以「建議零售價」大鋪都未必一定跟的，而版主很常去發掘這些要問才有的真正價錢！奇怪的就是，今次百記突然收起 LG Optimus G Pro 的優惠，係好少見囉！用「照價再減」變相減價賣機，多數是因為那款機不算好受歡迎，要暗地減價速銷。LG Optimus G Pro 規格不錯，效果也不錯，版主斷估不是這樣吧！就當百記貼錯價錢牌？LG 香港又會是壓力來源嗎？版主唔估了，反而想知，有無網友，睇了上星期版主 Eddie 的報導走去入貨，大家又覺得企硬價 $5698，值唔值？大家分享一下吧!
▲百老匯同樣用「套裝價」賣原價 $5,980 的 CASIO EX-TR15 ，我們上週也報導過，據知賣斷了幾次貨! 貴價賣機無人理？賣平就要被抽起? 什麼道理 ？！
