，上台出機優惠亦只見 PCCW 同埋 3HK 有月費。點解會咁？版主今日就行過大細鋪去睇睇，想知就 Click入黎睇睇啦！
大鋪傍晚番貨！ 中國移動、電訊數碼仍未有上台計劃
有網友報料，話去豐澤、百老匯問過都問唔到有 Moto G ，版主今日正午去問過，得到同樣的答案，直到傍晚再去問一次店員先話有得賣。除了衛訊之外，幾間大鋪都賣得相當「低調」，門市沒有 Demo 機放出來，試問咁樣又點會有人知道有得賣？！
版主在其中一間大鋪問到有沒有 Filp Cover 賣，店員亦要查一大輪先查得出貨量同價錢…可能因為這部機實在太欠宣傳了，所以店員才不了解情況吧……
反而是福仁商場一些細鋪，在到貨的一刻已經把 Moto G 放在當眼位置，亦在 Facebook Page 表示有得賣啦，價錢和大鋪相差無幾，值唔值得特登過去買就真係見仁見智。版主行過先達就唔見有行貨 Moto G 賣，有相熟的店員話呢部機定價「冇乜肉食」，所以亦唔打算當主力產品賣喎。當然他不肯透露來貨價錢，但從場內賣機的情況都大概估到咩環境
。至於一直流傳中移動同埋電訊數碼會推出上台優惠，版主今日問過兩間，兩間都未有上台出機計劃，其後版主向代理商再三確認，他們肯定這兩間電訊會代理 Moto G ，但可能因為未到貨的問題大家就要等等啦。代理肯定在新年之前會有大貨開賣，咁大家都係等多一個星期多 D 姐，反正新年前紅米最後一輪都賣完啦，又會唔會等埋 Moto G 限速上台月費呢？
▲版主 Eddie 這陣子也在用 Moto G ，原生 Android 真是超級簡潔，正好成為測試新 Apps 的平台
文章刊出時，Motorola Moto G 定價 $1,898，按此看詳細規格和最新賣價。