）大家又冇參考版主 Lawrence 既評測呢？今次呢部親生仔睇落冇乜特別，而 Android 5.0 係 HTC One (M8) 上面都已經用到，睇落真係冇乜特別啵！當然，如果你係鐘意 S805 配 2K 芒既規格都值得考慮一下既。係行貨開賣之前，版主發現場價既 Nexus 6 跌到五千唔使，原來就係有一個超平價既入手方式，想知道就要參考呢篇文章啦！
Motorola Nexus 6 場內水貨價跌破 $5,000！原因是超平價 $4,100 網購買到！
首先同大家講下 Motorola Nexus 6 係場內既消息先，呢部機版主都講過幾時會係 2 月 17 日正式開賣，香港官方行貨價錢是 $5,598 ，而之前版主 Lawrence 同大家試進口水貨的時侯，價錢都要接近價位。（大陸仍未公佈全網通版的 Moto X Pro 幾多錢…），本身 Nexus 6 係先達場內都有鋪入口水貨，價錢都要 $5,000 以上，最近見到有鋪用 $4,680 就賣「全新行貨」 Nexus 6 係咪因為要避行貨？版主問多少少，原來價錢大跌主要原因唔係行貨就快到，而係其實網上都有方式平價入手。講緊既就係法國 Amazon 用 $530 歐元（約 4,600 港幣）去賣 Google Nexus 6（32GB) ，如果送黎香港仲有得退稅，連埋運費，折實價錢大約 $429 歐元（約 $4,000 港幣）
，平過行貨成 $1,600 買得到！如果買 64GB 版本的話都係 $574 歐元（約 $5,000 港幣），性價比真係再高一大截啊！有網友可能會問，法國買番黎既 Nexsu 6 係香港用唔用到架？版主查過法國賣既都係國際版 Nexus 6 XT1100，支援頻段有香港的 1800/2600/900 三個段頻的 FDD-LTE ，亦支援到 Band 41 (China Unicom) 的 TD-LTE ，同大陸版 Moto X Pro 相比佢冇 TD-SCDMA 只有 WCDMA 。當然規格方面都係用番 5.9 吋 AMOLED 屏幕、Qualcomm S805 2.7GHz 四核、3GB RAM ，1300 萬像素 Sony 模組鏡頭跟 3220mAh 大電池。
係呢度版主比少少 Tips 大家點買最抵，首先你要係 Amazon 有個帳號，不過如果係法國 Amazon 申請帳號就真係玩緊自己（除非你識法文啦），當然就係美國 Amazon 去開一個帳號先啦；第二樣野就係記得結帳既時侯用歐元去結算而唔係港幣，因為 Amazon 既匯率會比信用卡差，要用到 $4,000 既超低價就一定要用歐元結算（港幣的話貴成 $100 ~ $200 ；最後大家係可以揀 2~4 日快運，價錢方面會貴 $15 歐元（約 $131) ，睇下大家係咪要早買早享受啦。
▲法國 Amazon 超平價，版主睇過英國、日本、美國都冇咁平，見到 En Stock 的綠色代表有貨
▲大家係比錢既時侯要注意呢兩點，選擇快運同埋用 HKD/EUR 結算會影響最終價錢，其餘步驟都好簡單（版主朋友早左幾日買都仲要 $4,100 ，係文章發佈的時侯歐元低水， $4,000 買得到）
Nexus 6 評測集合：
版主開箱! Nexus 6 效能對決 LG G Flex 2Nexus 6 屏幕、相機全測試！對決 Galaxy Note 4
在文章發佈的時侯， Moto Nexus 6 ( 32GB) 香港行貨定價為 $5598，按此看詳細規格及最新賣價。
