推出半年唔夠， Nexus 6 銷情慘淡要減價清貨？
講起 Nexus 6 ，實在可以用一場悲劇來形容，明明有著係 Nexus 系列來講可謂相當出色的規格，再加上係「親生仔」理應加分唔少，版主上手玩過都覺得 Nexus 6 絕對唔失禮。但係推出時機往往好重要， Nexus 6 係香港滑鐵爐的主因相信就係推出的時間實在太遲了，明明早係 2014 年已經推出，但來到香港時已經係 2 月中。再加上價錢方面要 $5,588 實在唔係人人可以接受，最後下場當然就係銷情慘淡啦！所以 ePrice 分享得有關 Nexus 最多的消息都係點樣可以用最平的價錢入手，好似係在法國 Amazon 買機同埋近期的 Sun Mobile 優惠（呢個都幾吸引）等等⋯⋯百老匯清貨「最後一減」，貨量相當少，入手要襯早
回到正題，近日版主就發現原來百老匯正做緊 Nexus 清貨減價，由前排的 $5588 減到而家只係 $4288 就可以有交易，呢個根本就係初推出時 3HK 的上台機價啊！雖然未跌穿四千可能未乎合大家的心水價位，但係今次減價看來已經係「終極一減」了，事關版主係旺角問過不少分店，只得一間有極少量現貨，真係可以話手快有手慢少少都無！唔知大家又覺得今次的「最後清貨價」是否吸引呢？不妨留言講講啊！
▲ 唔少入手左 Nexus 6 的用家都係透過買水貨的方式，版主都有去先達了解過。係場內 32B 版本水貨版 Nexus 6 都要 $3580 比起清貨價的大鋪 Nexus 6 仍有少少優勢，但係「全新行貨」方面，最平都要 $3980 。
▲ 除左百老匯之外，衛訊都有 Nexus 6 可以買到，但係價錢就未有大減，仍要 $5198 。
在文章發佈的時侯， Moto Nexus 6 ( 32GB) 香港行貨定價為 $4288，按此看詳細規格及最新賣價。
