或會是最後一部以 Motorola 之名推出的手機抵港－Moto G Turbo
之前版主虎仔都提過， Motorola 的首席營運官 Rick Osterioh 話 Motorola 將會慢慢消失，逐步被 Lenovo 呢個品牌名所取代。結果 Motorola 就係官方 Blog 上溢清， Motorola 並唔會無左，反而將會在 Lenovo 中佔有更重要位置。不過，從聲明中 Motorola 提到日後將會營銷方向一來會減少 Motorola 呢個名字嘅出現，並簡化作 Moto 。同時亦會係行 Moto 以及 Vibe 「雙品牌策略」，所以大家都估到，即使 Motorola 不會消失，但「Lenovo 化」卻係好難避免。對於死忠 fans 來講又會否等同 Moto 已死呢？講返香港方面， Moto 係香港日後發展方向而家實在好難講，但可以肯定嘅係，之前同大家提過的 Moto G Turbo 行貨已經係香港正式開賣。除左係細鋪已經有貨賣緊之外，代理商 Brightstar 的網站上亦已經有 Moto G Turbo 的資料，相信正式發佈日子將會係呢兩日內。在規格上，正如之前所提過：屏幕上 Moto G Turbo 有 5 吋 IPS HD 解像度屏幕，處理器就係 Qualcomm S615 配 2GB RAM 以及 16GB 內置容量。相機方面有 f2.0 大光圈的 1300 萬像素主相機以及 500 萬像素前鏡。電池方面係 Moto G Turbo 的賣點，因為其 2470mAh 電池係支援 TurboPower 快速充電，而且跟機都會有 TurboPower 充電器。另外，同 Moto G 2015 一樣， Moto G Turbo 係支援 IPX7 防水。「另外，可以肯定的是 Moto G Turbo 預載系統為 Android 6.0。 」
▲可以見到 Moto g Turbo 係包裝盒上係有行貨貼紙。
【更新：官方資料已出，定價 $1899】
最後，係價錢方面，代理 Brightstar 已經正式公佈 Moto G Turbo 資料，定價為 $1899 。不過，版主就發現旺角一間有賣 Moto G Turbo 的細鋪係官方資料公佈前已經做緊 $1799 呢個價，真係「未發佈，先減價」。另外，版主亦聽聞，今次 Moto 之所以咁低調，可能係因為同錢有關。 Moto G Turbo 不但宣傳不多，甚至有機會唔擺係大鋪賣，只係向細鋪出貨。以上消息係咪真？過多一陣就知啦！
▲ 作為一部千元價位的手機，有防水、快充、雙卡功能，其實都算不錯， HD 解像度屏幕或會是美中不足的地方？
▲以一部千元機來講，個人覺得 Moto G Turbo 質感是很不錯的（但呢個只係相當初步的感受啦，之後有機會詳細試玩再講多啲～）
係文章刊登時，MOTO G Turbo 官方定價為 $1899，按這裡有更詳細規及最新賣價。
