MotClub HK 在 Facebook 專頁上發文，表示 Moto 將會在 7 月 19 日舉行發佈會，發表 Moto Z Play 的後繼機 - Moto Z2 Play。而版主收到風，呢部 Moto Z2 Play 的建議零售價，將會係 $3699，呢個價錢買部 S626 手機，你覺得過唔過份呢？有人覺得唔過份，好合理，但版主就個人覺得，如果講到 S626 手機，對手三星二千幾蚊就買得到，駛鬼買佢先係咪？不過又咁睇，三星 C5 Pro / C7 Pro，影相都係相當唔靚，但 Moto 呢部 Z2 Play，係用上同 HTC U11 一樣的相機模組，你又覺得是否值回票價呢？
Moto Z2 Play 擁有 5.5 吋 1080p 屏幕，在外型上版主覺得同上代差不多，都係不入我法眼，特別是背後個相機部份，就不是個個都識得欣賞。配置方面，Z2 Play 配備了 S626 處理器，內置 4GB RAM + 64GB ROM，配備了用在 HTC U11 上的 Sony IMX362 感光元件，有 1200 萬像素 + F1.7 光圈。當然不能不提的，是佢同上代一樣，都係支持模組式設計，舊有模組可以繼續用番之餘，更加入了專為打機而設的新模組 Moto GamePad 遊戲手掣，不過版主個人都質疑，雖然有個咁嘅手掣，但 S626 處理器能不能夠推動到一些高要求的遊戲？還是只能玩番一些好舊嘅 Game？留言講下啦！
