HTC One Max 最後清貨價 $3,498 抵過先達？店員：「最後貨尾 賣晒就冇！」
之前同大家講過蘇寧用 $3,898 去賣 HTC One Max ，比起官方定價平 $2,000 ，這個暗價在最近再減 $400 ，而家用 $3,498 就可以入手啦。講起呢部手機，版主印像最深就係 217g 既重量，其次就係那個可以作後備電池用既保護套了。規格方面它採用 5.9 吋 1920 x 1080 解像度屏幕、 Qualcomm S600 1.7GHz 四核心處理器配 2GB RAM ，內置 16GB 容量並支援插卡，與 HTC One 採用同樣的 UltraPixel 400 萬像素鏡頭，可以說是加大版的 HTC One ，內置的 3300mAh 都相當耐用。如果有興趣既網友就盡早去問啦，因為版主落場問到店員既時侯佢地表示已經係最後一批貨，賣晒就冇。而係衛訊、百老匯都已經搵唔到 HTC One Max 了，代表這部手機真的要絕跡市場？現時先達要搵到「全新行貨」的 HTC One Max 其實已經好難，就算係水貨價錢都要 $3,000 起跳，相對之下係大鋪入手就比較划算了。
講到現時大屏幕既 4G LTE 機其實選擇都幾多，例如有 HTC Desire 816 同埋 Sony Xperia T2 Ultra ，雖然就冇 HTC One Max 既 FHD 屏幕，不過重量方面就比較輕。如果唔介意入手韓水既話 LG G Pro 2 其實都係賣緊 $3,500 左右 ，勝在可以插卡換電，亦用上 S800 處理器啊！大家認為呢個時侯入手 HTC One Max 制唔制得過呢？
▲現時先達場內的 HTC One Max 「行貨」已經買少見少，會寫住「全新有盒」的更加難搵
在文章刊出的時侯，HTC One max 定價 $3,498，請按此看詳細規格及最新報價。
