HTC One (M8) 玩暗價平 $1,400 ！ 賣 $4,198 貴 HTC One E8 少少
尋日蘇寧發佈消息話開始「買 $5,000 減 $1,400」優惠，不過就寫到明只係做到 8 月 10 號，亦都只做 Samsung 、 Sony 、 LG 最新型號手機（不過問過 Samsung Galaxy Note 3 都有得減
），HTC 就唔係呢個優惠之內。然而版主今日出去問既時侯，店員話原來 HTC One (M8) 同樣做緊「暗價」，價錢正正就係定價 $5,598 減 $1,400 賣 $4,198！同優惠一樣如果要用平價買機係唔可以做分期，亦都冇得享用其他信用卡優惠。呢個價錢比起優惠價 $3,398 既 HTC One (E8) 貴 $800，大家又會點揀？其實大鋪減價戰玩左兩星期。呢場減價戰我估計仲會持續落去，問過唔同大鋪做既朋友都話，一抽起優惠就會即時影響生意，假設所有大鋪都冇優惠，大家又不會願意回頭去比多千幾蚊吧？同時我亦有留意細鋪，佢地價錢實在很難做到定價再減 $1,400 ，或多或少都係對佢地有影響既。當然，九月係一個多新機發佈既日子，傳聞既已經有 iPhone 6 、 Samsung Galxay Note 4 同埋新一代既 Sony 手機，而 HTC Butterfly 2 亦都有機會九月上場（版主們應該會很忙
），當然到時仲會唔會有即減都係未知之數，要唔要而家趁平買機用？大家都係好好諗清楚了。
▲細鋪賣 HTC One (M8) 同埋 HTC One (E8) 既價錢仲貴過大鋪即減之後，版主都唔知講乜好
▲昨日蘇寧的新聞稿寫明只有 LG 、 Samsung 和 Sony 的最新型號手機才有如此優惠
在文章發佈的時侯， HTC One (M8) 定價 $5,598 ，按此看詳細規格和最新賣價。
在文章發佈的時侯， HTC One (e8) 定價 $3,998，按這裡詳細規格及最新賣價
