高性價比 HTC Desire 620 正式香港發佈！賣 $2,198 直接鬥 Galaxy A3
Desire 620 規格唔及同期 Desire 820 強，但勝在平過 Desire 820，賣點主要就係支持 4G + 2G 雙卡雙待，如果用過 HTC 雙卡手機嘅朋友可能都知道 HTC 其中一項優點就係支援 Auto Switch （官方名稱係 Dynamic Switch ），即係可以係手機內選擇邊一張 Sim 卡連接 4G 網絡， 而唔需要手動轉換 Sim 卡。 另外 Desire 620 亦支援中港 4G 。值得一提嘅地方係，係 4G 頻譜上 Desire 620 支援埋 Band 8 （ 900MHz ）呢個頻段係 csl. 同 Smartone 都有用來發放 4G 訊號的，版主 Eddie 早前都提過，Band 8 呢個頻段較低頻，所以相對於 1800MHz 與 2600MHz 更容易「入屋」，對室內接受 4G 訊好比較有幫助。最後係硬件上， Desire 820 用上 5 吋 HD 屏幕，Qualcomm S410 1.2GHz 四核心處理器配上 1GB RAM 以及 8GB 內置容量（支援最高128GB SD 卡），係相機方面用上 800 像素主鏡頭同埋 500 萬像素前鏡頭，比較特別嘅地方係相機有 Face Fusion 功能，版主 Keith 以前試玩過，簡單來講 Face Fusion 就係「魔法變臉」，將兩個臉孔二合一。值得留意係電量方面雖然只係得 2100mAh 電池，但電池係可以更換嘅。
版主都好明白只係講一大堆資料可能大家都唔太清楚究竟呢部機抵唔抵買，所以今次就拎左同樣以 4G 雙卡作為賣點，價位又相近嘅 HTC Desire 820 、 Samsung Galaxy A3 同埋 Samsung Galaxy A5 來同大家比較，唔知大家又點睇呢？ Click 入下圖可以睇到詳細手機比拼！
