HTC Desire Eye 官價減至 $3,998！ HTC Butterfly 2 再減價 樓上鋪 $3,080 有交易！
講減價之前版主 Eddie 要私心講講， HTC Desire Eye 係 2014 年推出 HTC 手機入面，我最鐘意既一部。唔係因為佢速度夠快，而係因為佢支援到五模多頻，又有防水功能，加上膠機殼有一定既耐跌程度，係過去幾個月不斷上大陸工作（例如小米、魅族發佈會）幫左唔少，而前後 1300 萬像素鏡頭都相當銳利，亦夠廣角；比起其他旗艦較慢的 Qualcomm S801 2.3GHz 四核配 2GB RAM 對我來說夠用了，弱點還是 2400mAh 電池唔夠用。其實都有唔少朋友問過我關於 HTC Desire Eye ，似乎版主的朋友們都是關注價錢方面，畢竟賣 $4,298 比起 HTC One M8 還要貴的確有點令人卻步。近兩日版主留意到衛訊的 HTC Desire Eye 價錢減到 $3,998 ，終於跌破了四字頭；而 HTC One M8 亦同時減價賣 $3,880 。反而場內價錢沒太大變動，版主搵過 HTC Desire Eye 場價仍然在 $3,500 左右；而 HTC One M8 最平都要 $3,700 先買到「全新行貨」，咁樣既話似乎大鋪買行貨更穩陣
。而邊部防水 S801 跌到 $3,000 頭咁平？咪就係連續幾個月版主都有提到既 HTC Butterfly 2 囉，唔知係咪因為清貨的關系，佢價錢由 $3,998 連跌兩個月而家 $3,398 就已經有交易，版主問過樓上鋪得到最平的價錢甚至是 $3,080 （現金價）就已經買得到，真係繼 Sony Xperia Z Ultra 之後成為另一部不斷減價的機款！要講規格其實 Butterfly 2 唔差，有 5 吋 FHD 解像度 SLCD 屏幕、Qualcomm S801 2.5GHz 四核、 2GB RAM ，內置 16GB 容量並可以插卡， 1300 萬像素又有雙鏡頭 Duo Camera 設計、前鏡頭 500 萬像素，電池量 2700mAh 比起 HTC One M8 更多，亦支援 Quick Charge 2.0 ，仲有 BoomSound 喇叭同 IP57 防水，減價去到咁應該係入手好時機啦，你地又會唔會衝番部？
▲連 HTC One M8 也終於減價了，而家賣 $3,880 仍然係比起 Desire Eye 平，但我估應該唔少網友都應該等緊 M9 吧？傳聞會係 3 月 1 號現身啊！
在文章發佈的時侯， HTC One (M8) 定價 $3,880 ，按此看詳細規格和最新賣價。
在文章發佈的時侯， HTC Desire Eye 定價 $3,998 ，按此看詳細規格與最新賣價。
在文章發佈的時侯， HTC Butterfly 2 定價 $3,398 ，按此看詳細規格與最新賣價。