HTC One M9 版主足本試玩始動！第一輪比對 M8 先！
之前版主 Keith 係西班牙同大家試玩過 HTC One M9 既功能、亦比大家睇過佢對決 iPhone 6 Plus 、HTC One M8 既試相，不過當時既就係工程機，市販版本當然有所改進。今日發佈現場嘅試 仲未係 Final Firmware 所以我地唔可即日為大家最後準確評測。不過，唔駛等太耐，版主收到風，最遲聽日就出到 Final Firmware, 留意我地之後跟進評測啦。這篇文章先同大家講下 HTC One M9 既機身方面，亦同大家對比一下上一代 HTC One M8 。正如大家見到， HTC One M9 與 HTC One M8 是極其相似的，也採用了相同的 5 吋 1920 x 1280 解像度 SLCD 屏幕，上手的大小，重量，甚至連重心都幾乎一樣。然而操作感覺有一定的落差，原因就是 HTC One M9 將「電源鍵」放了在機身右邊，亦將音量鍵分開成兩段，即使版主知道「電源鍵」的位置亦會經常按錯，用了一年 HTC One M8 之後實在要好好改變一下習慣，不過「電源鍵」設計在接近中間的位置的好處是容易按到，習慣了之後開機和使用姆指操作都更加順手，這是不錯的改變。
如果細心留意的話，會發現 HTC One M9 是採用自稱 Two Tone 「雙層式」設計，版主手上的是銀色配金色，機身正面面板像是凸出了一樣，多了一圈邊框，而這一個面板明顯比起 HTC One M8 厚得多，所以摸起來會有凹槽的感覺。版主給幾位朋友上手試過，他們都覺得有點「界手」，然而版主覺得雖然不能用「順滑」去形容，但打磨得算不錯，是否鐘意呢個改變就真係要個人上手感受下。除此之外， HTC One M9 的四角的圓弧，曲面機背與髮絲紋，天線位置都與 HTC One M8 同出一轍，可以說是一個小改版而已。下面有更多高清圖比大家睇清睇楚：
▲HTC One M9 與 HTC One M8 ，你地分得出邊部打邊部嗎？（答案：左 M9 ；右 M8)，機背最大分別就是 HTC One M9 的鏡頭是方形了，而它的髮絲紋亦是相當好看的，而雙色補光燈設計亦有保留。
▲另一個特別的設計，就是鏡頭是稍為突出的，不過四邊的邊框有保護鏡片的作用，希望不會像 M8 一樣易刮花，而 HTC 的 Logo 是印上去的，不是像 HTC One M8 一樣雕刻出來，會不會像 HTC One M7 一樣甩色呢？
▲操作上，比較大分別就是「電源鍵」由機頂變了在機側，而音量鍵就分開了兩邊
▲大家從這個角度可以睇到 HTC One M9(上）的正面面版比較厚，而這是 HTC 的 Two Tone 設計，整體的厚度厚了一點 9.6mm（多了 0.25mm 左右）
▲機頂的光源感應器大小有所不同，HTC One M9 的比較大，不過 BoomSound 喇叭設計仍然相同，前鏡頭改用了 UltraPixel 但沒有大多少，機底仍然有 USB 連接埠與 3.5mm 耳機孔，
▲HTC One M9 機頂同樣有紅外線發射器，，可以見到厚度是略為比 HTC One M8 厚的
▲ SIM 卡槽的大小亦有所不同，都是採用 Nano SIM ，對使用影響不算太大
▲大家會留意到兩部手機的屏幕顏色有點分別，HTC One M9 是比較淡色的
▲大家亦可以留意到， HTC One M9 (左）有四個虛擬鍵，其實這個功能自由度都幾大，遲下再詳細同大家講解
網友留言問！最新版本HTC One M9 版主同你試到足！
講起 HTC 手機，當年 HTC One M7 真係一個經典，版主亦都同大家做了很詳細的試玩與介紹。今次既然版主有真機係手，當然就會同大家試盡佢，版主已經係 3 月 19 號下午 6 點收到最新版本，這個版本解決了之前相機、發熱，唔少問題，就貼近市販版本啦，版主 Keith 上手玩左陣，都覺得有改變的網友們如果對 HTC One M9 有咩意見，睇完下面評測覺得仲有想知道既重點，或者想版主特別做既測試（除了 Drop Test 之外，版主只有一部機做唔起
），都可以留言話比我地知架！
▲有機在手，沒有不試的理由，對吧
，有問題就問吧！
▲版主已經更新到 1.32.401.214 版本，基本上這個版本已經解了大量問題，將會同大家試相機
HTC One M9 評測系列
2000 萬像素有幾勁？日、夜影相鬥 iPhone 6 Plus 、M8
睇了十張 M9 M8 比較圖，你就知 HTC One M9 應唔應該衝
解謎時間：HTC One M9 vs M8 十個相似與不同
版主 Hands on ! HTC One M9 二千萬相機試拍 + 實機圖 + 跑分
為 HTC One M9 加上 IP68 防水、新 Dot View Cover
HTC 2015 Wearable 代表作
高階運動手環 HTC grip 定價千五抵唔抵？版主上手試功能
第二代 RE Camera 會現身！HTC 出運動手環、VR 眼鏡邊樣你 Buy？
玩 Game 用佢最正！ HTC 推出 VIVE 虛擬實境眼鏡
在文章發佈的時侯， HTC One M9 (32GB) 仍未確認官方定價，按此看詳細規格和最新賣價。
