口水流！HTC One M9 保修包爆芒 + 入水 (唔包香港可惜)

Keith Yim 2015-03-19 11:23 | HTC

HTC One M9 今日係香港發佈賣價資料，先不評論係咪好貴，以下呢段消息，都會令一眾 HTC Fans 口水流。HTC 美國推出 HTC Uh-Oh 全新保養計劃，重點是爆芒、入水，HTC 一樣同你免費維修。仲有正嘢架。。。。




如果你對 HTC 新聞有一定程度追蹤的話，應該知道 HTC Advantage 是 HTC 針對美國市場所推出的 One 系列保修服務；此服務係 HTC One M7、HTC One Max / mini 開始引入，M8 都有份，當時是提供購機用戶在 6 個月內摔破螢幕玻璃可免費維修，不過此服務僅為美國限定。

HTC 係 18/3 係美國宣佈一項名為「Uh-oh」的全新保修計畫，HTC 將提供美國 M9 消費者長達一年的保固服務，在一年期間，除了螢幕玻璃破損外，包括螢幕本身損壞甚至手機因為泡水損壞，HTC 也都會免費提供維修服務。另外，HTC 也將會針對美國用戶提供換機折扣服務，若用戶拿舊機購買 HTC One 新機，可折扣最多 100 美元 (約 HK$780)。

香港 HTC Advantage 服務不一樣

香港呢？香港嘅 HTC Advantage 叫 HTC Care 星級售後服務，包括 15 個月中港聯保，仲有免費速遞維修及送修時免費手機借用、手機使用講座、星級個別教授服務等。近一年嘅 HTC 手機都有份，應該包括埋 M9 吧。