日前 ePriceHK 報導有外國記者測試 HTC One M9 相機更新後表現明顯提升，從外國媒體的試相可以看得到，不論是清晰度或者色水表現都可以說是前後判若兩機！ 心水清既網友見到鬼佬測試新版 HTC One M9 大部分都係日拍照片，雖然畫質上匹敵 iPhone 6 Plus 同 LG G4，但無前後對比，又點知部 M9 究竟係影相方面提升左幾多呢？ 況且又無夜拍相睇，好難叫我認同更新版 M9 表現好左。
當然，我知道部分網友同我一樣，純粹睇外國測試肯定唔滿意，所以我特登問版主借多部 M9：其中一部是更新了 1.40 相機軟件，另一部仍然維持舊有的 1.32 版本 。我在不同場景測試兩部機是否有畫質上既差異。還記得有次做手機鏡頭對比測試，早前有網友話希望見到裁剪原圖既比較，方便唔使自己點擊睇原圖，今次我都決定加入左呢個建議，放大對焦點做對比。M9 日拍既表現鬼佬做左，結果有目共睹，所以我集中做大家最關注既夜拍。究竟 M9 既 2000 萬像素 F/2.2 東芝主鏡頭，更新後有咩進步呢？ 請大家睇落去！
測試參數：
據了解，M9 相機更新主要是自動模式下的表現，所以我的測試全部都是 AUTO MODE，構圖和對焦測光點也盡量保持一致。設定上使用了 10：7 比例，並設置 5376 x 3752 最高解析度。下面將會有一組組的試相，網友們可以自行玩盲測！如果想提前知道邊張打邊張，請用滑鼠反白呢度，( 電腦版：左圖是新版 M9；右圖是舊版 M9 ) ( 手機版：上圖是新版 M9；下圖是舊版 M9 )，就會見到答案。
一、旺角街頭燈箱
呢個一睇就知道係油尖旺既地方，燈牌多到飛起，都叫做係夜香港一大特色！ 兩機既對焦測光點都選擇在中央位置既綠色燈箱，整體上表現睇黎分別不大。但放大睇 “賣” 字，會發現左圖的文字邊沿比較銳利清晰，但兩者差別不算明顯。
二、白光燈下告示牌
左圖整體表現較好，面對白光燈沒有出現畫面白化，顏色相對比較實在、分明。不論銳利度和白平衡，都是左圖明顯優勝，線條更清晰，字體藍色也更符合現場肉眼所見的藍色。
接下來的對比圖，我廢話少說讓大家自行品評一番。網友們可以從飽和度、細緻清晰度、和色水等方面作為審視準則。
三、遠處巴士標誌
四、香脆炸雞薯塊
五、美國餐廳內牆紙
六、街頭 LED 燈牌
▲ 注意：這組放大圖並非對焦點或測光點。
M9 相片盲測總結：
看到一半大家都猜到了吧！電腦版：左圖是新版 M9，右圖是舊版 M9；手機版：上圖是新版 M9，下圖是舊版 M9。HTC One M9 在更新了相機算法後，不論是銳利度、色彩取樣飽和度，都有明顯的提高，夜拍的畫質比以往好。 而且對焦速度也有輕微提升，並沒有出現迷焦的情況。
但個人認為，這樣的夜拍照片表現可說是及格，符合我對旗艦手機的一般要求。至於網友們最喜歡問的一個問題：更新後夠其他旗艦抽咩？ 問得呢個問題反映缺乏深思熟慮。因為 M9 的鏡頭光圈先天性不夠其他旗艦大，而且也沒有 OIS 光學防震加持，如果單考慮夜拍的話，硬件上 M9 已經不在三甲之列。
我上述的簡單測試，雖然證明了 M9 更新後夜拍表現有所提高，但這個提高的幅度，充其量也只是收窄跟對手在夜間拍攝的差距。當然，過往大大小小的測試也說明在日間拍攝下，HTC One M9 表現還是跟其他旗艦不相伯仲、色彩更濃郁，畫面氣氛更討好。
最後講多一句：未更新既 M9 網友，可以放心去下載呢個新軟件啦！
HTC One M9 係文章刊登時，售價為 HK$4498，按這裡有更詳細規格及最新賣價。
