設計風格嶄新，令人眼前一亮
呢部手機叫做 Desire 728，但佢喺外型上同以往其他新款 Desire 系列嘅風格唔同。首先講下外觀方面，HTC Desire 728 上採用了 5.5 吋 IPS 大屏幕，不過就只有 HD 解像度! 另外，過去嘅 Desire 系列大部份都用到呢個「三下巴設計」，好多人都會覺得果個設計其實唔係咁美觀，版主都係一樣，N 年前曾經多次心郁郁想買 HTC Desire X，但就係因為佢個外型唔吸引到我，所以都係睇過第二部。 今次呢 HTC 終於重新換過個設計，而家咁樣好睇好多 ?
▲ 左圖為今年 4 月 推出的 Desire 826 Dual，當時的 Desire 還是「三下巴設計」。右圖為剛於中國推出的 HTC Desire 728， 喺外型上有點突破，一改以往風格，令人眼前一亮。
▲ 7.8 mm 超薄圓潤機身，相信手感會唔錯!
八核心雙咭雙待，支持中港 LTE
規格方面，HTC Desire 728 配置了 MTK MT6753 1.3 GHz 八核心處理器，內置 2GB RAM 及 16GB ROM。16GB ROM 係就係少左啲，不過可以支援儲存上限 2TB 外置記憶體，聽落都幾吸引下嘅。在相機方面，HTC Desire 728 採用了 1300 萬像素主鏡頭及 500 萬像素前置鏡頭，並支持 1080p 高清攝像並具備雙咭雙待功能，支持中港 LTE，基本 4G 的頻段都齊哂，適合中港兩地工作嘅用家。
配備 Quick Charge 技術
呢部 HTC Desire 728 只有 2800 mAh 電量，對於中用量至高用量的用家黎講，無疑係最大的缺點。不過好在佢配備左mQuick Charge 快充技術，某程度上黎講都可以彌補到低電量的不足。而呢部機會配載 Android 5.1 系統。
二千一有找，黑白兩色任君選擇
HTC Desire 728 現已在 HTC 中國官網進行預售，售價為 ￥1699，如果計番港幣嘅話，大概係 $2072 左右。以呢個規格黎睇，呢個價錢尚算合理。目前在中國推出有黑、白兩色選擇，相信好快就可以喺香港出售! 聽完以上介紹，你會唔會心郁郁想買呢? 你中意而家新呢款設計，定係都係中意以往嘅「三下巴設計」? 留言分享一下啦!
