全線 HTC 新機衛訊有暗價！百老匯同樣有減！
講到減價大家多數會諗起 LG 的旗艦機幾時肯劈價，但其實提起主動減價大家實在不要質疑 HTC 的決心，因為佢哋減起上來都可以去得好盡！之前分享左 HTC 新舊兩款 M9+ 大鋪減價之後，有朋友提醒版主，原來幾乎全線 HTC 手機係大鋪都有減價，最多減到 $500 ！首先，今次 HTC 手機減價，版主主要到衛訊同百老匯查看，當中兩者係減價幅度上各有千秋，無話邊間平得特別多，以下就係經過整理後得出來的結果，有意入手的朋友可當為一個參考！先講左新機先，係出左 M9+ 相機升級版後，其實 HTC 出左部規格比起 One E9+ 還要差，但係定價上就只係 $2898 ，三千有找的新機 E9 Dual Sim 。不過，可能因為呢部機規格實在不討好而且定價都唔算平，所以係百老匯同衛訊都做緊減價，前者價錢係 $2598 ，衛訊雖然仲係標緊原價，但其實係有暗價的，而且只係 $2398 比百記更平，亦比起原價平 $500 ！
大芒手機港人最愛，所以接下來再講多部 5.5 吋芒的 E9+ 先！今次就輪到百老匯贏返一仗了，因為在價錢方面，在衛訊即使有暗價都仍然係要 $3198 ，但係在百老匯已經標價為 $2998 。一個只係減左兩百，而另一個賣價就跌穿三千，邊個更抵大家都懂的！
最後仲有 One ME ，呢部機係規格上同 One M9+ 相當近似，主要分別就係前者係塑膠材質而後者係金屬機身。另外 M9+ 用左雙鏡頭設計，而 One ME 沒有雙鏡頭但就支援雙卡。係價錢方面衛訊同百老匯都做緊 $3198 ，比起原來價錢平多兩百！另外，係年頭推出的 Desire 826 係衛訊都有減，價錢為 $2198 ，如果計埋上次提到的新舊兩款 M9+ ，基本上今年 HTC 推出的手機係大鋪都有減價，實在壯觀！最後，大家要留意今次 HTC 係衛訊減價全部都係用暗價的方式減的，所以都係果句，係入手前多問一下真的會有著數呢，大家又覺得今次全線 HTC 減價有沒有睇頭呢？一齊留言講講吧！
▲係有 E9+ 的情況下 HTC 再出多部定價只係平少少但規格都差一截的 E9 ，難懂要即減價啦。
▲ 根據目測， E9+ 算係今年 HTC 比較多人用的手機，不知是不是因為 5.5 吋芒呢？
▲One ME 算係減得比較少的一部。
在文章發佈時，HTC One E9 賣價為 $2398，按此看詳細規格及最新賣價。
在文章發佈時，HTC One E9+ 賣價為 $2998，按此看詳細規格及最新賣價。
在文章發佈時，HTC One ME 賣價為 $3198 ，按此看詳細規格及最新賣價。
在文章發佈時，HTC Desire 826 賣價 $2198，按此看詳細規格及最新賣價。