原來，HTC One M9 港版將會日內 (最快今日 17/11) 有得更新到 Android 5.1。呢個 Android 5.1 對比其他地區，真的來的比較遲。HTC One M9 升級至 Android 5.1，除了 Android 版本更新，係功能方面，主要加入屏幕色溫調控，而省電模式會用回 Google Andriod 原生嗰個。據知，Android 5.1 會比 5.0 略為省電，大家不一定全日啟動省電模式，都可以維持之前嘅使用時間。
除了 Android 5.1，香港版 M9 會與 A9 一樣，支援 VoLTE，4G 高清話音技術。有了呢個功能，csl. 3HK 與數碼通嘅用家，就可以 M9 內，用 4G 網絡打電話，享受更清嘅話音服務。細心留意到版主用詞，無提過中國移動香港ｃｍｈｋ 喎！無錯，CMHK 嘅 VoLTE 係比較特別，支援手機比較少，名單都無 M9 與 A9 份。佢地自家嘅 N1，都係只支援自家嘅 VoLTE，其他台唔得。
車! 仲以為係 Android 6.0 添! 根據外國傳媒嘅消息，HTC One M9 將會有得食棉花糖，不過你等唔等，又係另一個問題。所以，仲用緊 M9 嘅你，或者呢幾日做出清，好想入手嘅網友，記得呢幾日留意下有無得升級 Android 5.1 喇!
