HTC S810 旗艦 M9 大鋪清貨，價錢平一半有多
講到 HTC One M9 ，不得不提呢部用上 S810 處理器的手機早前係中移動同 G Flex 2 一齊清貨，只要係客戶都可以用上 $2480 呢個價錢入手，消息一出不一天 M9 即時售罄。可以見到即使手機評價負面多過正面，但只要價錢具吸引力，大家都會樂意入手的。以 M9 來講，呢部機係大鋪的價錢係 9 月尾減價後最平都要 $3598 ，比起同期推出的旗艦都平一截。不過，看來呢個價錢都不足以叫消費者動心，近日係衛訊 M9 價錢都有小減，要 $3498 。不過，如果大家想用更吸引的價錢入手，百老匯會係更抵玩的選擇。因為版主發現原來而家 M9 在百老匯做緊清貨價， $2898 就有交易，比起原價 $5998 平左一半有多！不過，上次把握唔到中移動減價的朋友今次要小心啦，因為百記呢個價錢都係清貨價，版主問左好幾間貨量都所餘不多，部份分店只係得一、兩部，想入手的朋友要快手！
▲ M9 係百老匯只係寫住「照價再減」，一問先知原來只係兩千幾！
▲ 係衛訊方面， M9 價錢相對下就未算吸引，都要 $3498 。
仲買唔買 A9 ？ 同門 One ME 大鋪三千有交易
好多網友都提到 A9 係香港的定價還比台灣貴，所以價錢並不吸引。事實上係目前 HTC 全線手機來講， A9 價錢只係僅次於 M9+ 相機升級版。就性價比而言， One ME 係規格上不遜於 A9 之餘，價錢係大鋪再減之後再平左，在衛訊只係 $3098 ，平左一百蚊，比起 A9 3GB RAM 版本平足 $1400 ！講起 HTC 呢個牌子，好多人都會話佢用機海戰術，呢點版主係同意的，不過個人覺得機海戰術都唔係壞事啊！以 M9 為例，半年多就已經可以半價買到， ME 推出左幾個月都已經平左千三蚊，跌價之快真係無出其右。最後，大家要留意， HTC 賣機手法上另一特點係清貨速度都好快，以百老匯為例，除左 M9 而家清貨之外， E9+ 以及 ME 在百老匯部份分店都已經賣光無貨，有店員就指 HTC 看來有意將上半年推出的手機清貨後「力谷」早排推出的 M9+ 相機升級版以及 A9 。唔知大家又覺得今次 M9 半價清貨夠唔夠吸引呢？留言講講吧！
▲ One ME 同 E9＋ 一樣，係百老匯有不少分店已經無貨。
在文章發佈的時侯，HTC One M9 賣價為 $2898，按此看詳細規格和最新賣價。
在文章發佈的時候，HTC One ME 賣價為 $3098 ，按此看詳細規格及最新賣價。