海洋公園遊：HTC One A9 日拍+夜攝 OIS + Pro 模式 係咪咁勁

Wilson Li 2015-11-19 16:12 | HTC

在前幾日 HTC 在香港發佈了 HTC One A9，呢部係  HTC 表示呢部應該係今年度最後喺香港推出嘅主打手機，而事實上呢部手機雖然係似 iPhone 6 設計，但係 HTC 在金屬造工工藝上係好過 iPhone，令到今次上手嘅手感出奇地好，加上只有 5 吋嘅大細下，又可以重返單手操作了。



喺 HTC 記者會後，HTC 安排左大家去海洋公園試機，無可否認有得玩住黎試機都係好事黎，但換黎嘅玩得太癲返左屋企打左一段野就睡死直到第二朝，點都好我都會同大家分享下 HTC A9 今次喺海洋公園遊走所影嘅相。

前菜：3GB RAM 版本更順暢操作
先講下今次所借測手機為 3GB RAM / 32GB ROM 版本，呢部機同版主 Keith 之前試個部機唔同，係多佢 1GB RAM 同 16GB 內置記憶體，多 1GB RAM 下令到整體操作上都順過版主 Keith 手中嗰部 A9，另外想講嘅係喺  HTC A9 上，就記憶卡而加設一個新功能，當插 MicroSD 卡，可以將記憶卡設定為手機內置記憶體，成為手機內置記憶體後，日後裝 Apps 就可以佔用記憶卡，過往某 Apps 唔可以轉移去記憶卡嘅情況不再了。HTC 人員同我講，若你想張 microSD 卡變為內置記憶體，Read / Write 速度最好有 20MB/s 可以有最好體驗。



▲3GB RAM 版本 HTC One A9 嘅跑分安兔兔有 40910分。Quadrant Standard Edition 有 26825分


▲ Basemark ES 2.0 Tagji 有 37.1 FPS。

加入第二代 OIS 防手震
今次 HTC One A9 使用了Sony Exmor IMX214 感光元件，可以拍攝 1300 萬像素照片，感光元件大小為 1/3.06， 雖然跟上年嘅 Butterfly 2 及 Desire Eye 係一樣，但加入了第二代 OIS 防手震，令到手機在暗黑環境影相，有防手震效果，令影像更加穩定。軟件上，HTC 為 A9 加入左新功能專業 Pro 模式（即是手動模式），並可以選擇 RAW 格式 (.dng)輸出。

今次喺海洋公園中都用左 HTC One A9 影左唔少嘅相，始終今次 HTC 咁強調 A9 嘅影相表現，我就為大家去影下唔同嘅相，事實上 HTC A9 所影嘅相係咪正如官方所講咁勁呢 ?


▲首先就睇下前鏡頭，前鏡頭都係同今年推出嘅  HTC 手機一樣採用 UltraPixel 400 萬像素相機，可以睇下呢位靚女自拍嘅效果。

 

 


 
▲未夠，有大量福利照。 (不是用 A9 拍的，純福利)

以下是後鏡頭拍攝效果，亦係焦點所在! 先黎個自動模式所影嘅相俾大家睇下，不過自動模式真係俾純粹記錄影像嘅人去用，喺日間上好多時自動模式已經係好足夠地影到好靚嘅相。






▲ 上面都只係自動模式所影出黎嘅相。

跟住落黎就俾大家睇下喺手動模式 (Pro 影像模式) 下所影嘅相會有咩厲害，而手動模式嘅好處就係可以自由地調校 ISO （感光度）、快門、白平衡、對焦點。用自動模式拍攝夜間嘅相，效果不似預期，就係自動模式會將 ISO推到好高，令到相片睇落好多雜訊，或者大家成日講嘅油畫化。係 HTC One A9 裡面，若果你識用 Pro 模式影相，效果可以好突出。


▲ （ISO 100 / 快門 1/40 秒）


▲ （ISO 100 / 快門 1/12000 秒）


▲ （ISO 400 / 快門 1/13 秒），其實 1/13 已係唔安全快門，好易手震，因為 HTC One A9 有 OIS 光學防手震，可見呢張相清晰度亦算唔錯。ISO 400 令主體突出，雖然也有 Noise，但係如此低光下，算係唔錯。


▲ （ISO 200 / 快門 1/20 秒）呢個咁低嘅 ISO，背景當然暗，但我地想睇係噴水池嘅水花燈光效果呀！


▲（ISO 200 / 快門 1/20 秒）

小結

今次在  HTC One A9 雖然只是使用上一代旗艦手機 HTC Butterfly 2 感光元件，可是當時 HTC Butterfly 2 在夜拍方面也不是有好的效果，也似乎未將 Sony IMX214 呢個感光元件用盡，而在 HTC One A9 上面，新的相機模組再加上 OIS 防手震下， 日拍效果已無大問題，夜拍因手震導致影像不穩情況的狀況，亦有所改善，令到夜拍表現有所改善，從而將 Sony IMX214 發揮到淋漓盡致。

從上面嘅相之中，明顯地睇到其實喺夜景下個表現俾預期中好，喺 OIS 防手震下，唔駛理過晒安全快門，都可以好清楚地影到海洋公園水母館嘅水母，可見 OIS 光學防手震嘅威力。與此同時，Pro 影像模式簡單易用，把 ISO 及快門調整，你可以係手機芒見到即時效果，慢慢試，用 A9 都可以影到好靚嘅日夜照!  


▲ Pro 影像模式介面。

HTC One A9 實測：圖集 + Hands On
HTC One A9 實測：跑分＋外型＋電量＋試拍
​
HTC One A9 16GB 版本，在文章列登時，賣價為 $4198，按這裡有更詳細規格及最新賣價。
HTC One A9 32GB 版本，在文章列登時，賣價為 $4498，按這裡有更詳細規格及最新賣價。