規格效能都不差
首先講下部機規格，總算不過不失，合唔合做部孝子手機。係屏幕方面 ，HTC Desire 728 dual sim 使用了 5.5” 吋屏幕，係一部大芒手機! 處理器方面 MTK MT6753 1.3GHz 八核心處理器，搭載 2GB RAM 及 16GB ROM 記憶體，同時支援外置記憶體，最高支援 2TB MicroSDXC ；在相機方面使用了 1300萬像素後置鏡頭，前置則使用了 500 萬像素自拍相機；在網絡連接性方面使用了 2+1 卡糟設計，可以插入 2 張 SIM 卡，而且支援了香港、中國大陸 4G FDD/ TD LTE，甚至是 3G TD-SCDMA。電池則使用 2800mAh。相機像素夠高，夠晒比老媽、老父平時影下相，自拍有500萬，像素都夠用。我會幫佢地買多張大容量記憶卡，預設影相個陣 Save 係記憶卡，咁影多多相都無問題。有人話 Desire 728 規格好普通，又無得換電，其實 MTK MT6753 處理器，即係 Meizu M2 Note 用緊個粒，M2 Note 行 Full HD 芒，比較耗電，但 Desire 728 行 HD 芒，好處係令手機係 2800mAH 電池下，亦有不錯嘅續航力，效能比較有保障，用落會好順，老媽老爸應該唔會投訴會用到 Lag 機。
▲ 再講下機身， 153g 嘅 5.5 吋芒手機，機嘅後背使用左聚酯物料，拎起上手感覺輕身無唔聚手，因為用了聚酯物料，仲無咁滑手。正面可見基本上全黑色 (另有一款係白色)，而且雙嗽叭設計感覺融合左入機身正面，令部機無咁雙下巴，這個設計亦令 Desire 728 做到正面是全玻璃材質，機頂到底感覺比較合理及好睇。
▲ 同樣地雙喇叭支援 HTC BoomSound，可以發出機前立體聲音效，再加上 Dolby Audio 音效，唔用耳機也有現場還迴立體聲音效。我當然會教埋老媽、老爸點樣上網睇劇，有 Boomsound 立體聲，睇劇都真實好多。Desire 728 唔係 Full HD 芒，夠用嗎？HD 都夠清架啦，又唔係放上大電機到睇！
▲機嘅左側就係 SIM 卡同 Micro SD 卡插槽，唔洗用支針就可以開到。
▲Desire 728 dual sim 依然使用 Micro USB 插頭，而設在機身底部， 耳機孔則在機身嘅頂部位置。
▲機背可見純黑色，手感亦不錯。
▲安兔兔跑出三萬六千分，呢個分數大約同 Qualcomm S615 CPU 等級。
▲在 Basemark 中竟然有 52.21 FPS，雖然同滿分有段距離，但至少在 3D效能上有不錯嘅表現。即係就算爸媽要玩小型遊戲，都足夠應付到。。
▲ Desire 728 鏡頭，係三星模組，做到 F2.2 大光圈，影到 130 0萬像素鏡頭，並配有補光燈。
主相機實拍
呢部 HTC Desire 728 dual sim 前後相機有別於過往 Desire 手機，前後相機都係同樣地使用 Samsung 鏡頭模組，即係 Samsung Galaxy S4 採用嘅模組。Galaxy S4 曾經是旗艦手機，現在用係中檔手機上面，到底效果係點，可以睇下下面相機嘅實測。
小結：不過不失中階機
雖然呢部電話係定位嘅中階嘅市場，但手感不俗，操作上基於 HTC Sense 嘅關係都十分暢順。對我而言呢部手機如果定位喺年青人市場未必受歡迎，因為同價位都可以有其他牌子嘅選擇，可能係上一代旗艦、韓國牌子嘅水貨機，但係拎黎俾家中兩老 ，大品牌還是比大陸機好。一來 HTC 嘅客戶服務一直唔錯，壞機都可以上門收機，整好又再送番俾兩老！HTC 香港行貨，仲內置了簡模式嘅 UI，好合用唔慣智能手機嘅老人家。HTC Desire 728 又係一部中港雙卡手機，只要我為佢安排中港數據 SIM 返大陸都 Keep 住上網。Desire 728 拎黎做孝子嘅手機，實為不錯。
▲ HTC Desire 728 也有簡易模式。
