教你用 HTC One A9 潮玩 Hyperlapse　動態縮時攝影

Andrew 2015-12-08 11:07 | HTC

大家好，又係我 Andrew! 之前同大家介紹過 HTC One A9 嘅電量、與 Hi-Res Audio 嘅特色。今次，我簡單講下佢嘅影相玩意。我地唔係講佢嘅 1300 萬像素，有 OIS 光學防震嘅相機，影出來掂唔掂，反而想講講佢地新加嘅 Hyperlapse 玩意。若果你睇佢嘅中文譯法：動態縮時攝影，我開頭都以為係 Apple iPhone 嘅 Timeslape 縮短片。但一睇英文，一個 Hyperlapse 一個 Timelapse 就知，兩個玩法好唔同。

Hyperlapse 定 Timelapse

Timelapse 於 iPhone 5s 起被發揚光大！中文叫縮時拍攝，一條短片就像把時間壓縮了，時間比正常的快了好幾倍，甚至好幾百倍，尤如啟動了播放機的快速播放鍵。拍攝 Timelapse，其實就是把手機相機，放在一個固定地方，拍好長時間，再用好快速度重播。大家會記得嘅係日落嘅景像。


▲ 呢條就係版主 Keith 係上年 RE Camera 發佈會個陣，拍出來嘅 Timeslape 示範。係靜止嘅位置，拍攝郁動嘅影像，再把很長嘅時間來過極速壓縮。

Hyperlapse 動態縮時可以係 Timeplase 加強版，好睇嘅 Hyperlapse 影片，畫面唔會固定一個點，係多角度，多場景，而身邊事物也會快速移動。HTC One A9 支援 Hyperlapse 拍攝，玩法其實簡單好多。你可以選擇 Hyperlapse 模式，甚至唔駛選擇，因為基本上，所有用拍攝嘅短片，都係可以用後期內置 App 變為 Hyperlapse。


▲  不過，若你有心拍 Hyperlapse，都係用 Hyperlapse 模式 (中文叫「動態縮時攝影」) 比較好，因為會用咗光學防手震同陀螺儀技術，拍出來嘅片會穩定些。



▲ 係影片編輯模式從屏幕如下拉上，會見到「動態縮時攝影」，呢到可以幫忙把普通短片，變為動態縮時效果。



▲　係編輯「動態縮時攝影」中容許選段進行調速，中間可分為三段不同嘅動態縮時時間，由 2x 倍至 12x 倍，最後可以輸出 720p 影片跟朋友分享。


▲ HTC One A9 嘅「動態縮時攝影」同時也支援 Timelapse 縮時拍攝，好似呢條時長 4 分鐘的拍攝，我調整成二十多秒的影片。我用腳架，把 A9 放在一個固定地方，城市的交通和漁港的安靜，感覺相當有趣。


▲ 呢條是用普通嘅拍攝模式，把 HTC One A9 放在自拍棍上拍攝的。


▲ 經過 A9 上面嘅「動態縮時攝影」模式製作嘅 Hyperlapse 影片。拍個時行得慢D，唔好左右兩邊郁，條片較穩定，呢條 example 短片係呢方面有改善空間，但我 set 了兩段時間 (最多三段）頭條用了 12x 倍速，後段用了 2x 倍速，令最後出現嘅歌者，係成條片裡面，更加突出。


▲ Hyperlape 就係混合了 Timelapse，但係 HTC One A9 上，變得更簡單好玩。

Andrew 的 HTC One A9 實測
免費有得聽! 教你係手機聽盡 Hi-Res Audio 原音音樂
2150mAh 電池效能擊敗 3000mAh 機種 ! 實測 Android 6.0 慳電威力
Android 6 不是全部! 揭開 HTC One A9 高省電效能之秘
教你用 HTC One A9 潮玩 Hyperlapse 動態縮時攝影 

資料由客戶提供