Part 1：獨自去 OP
衆所周知海馬公園位於港島南區，但南區地鐵到佛誕都未開通到，雖然巴士 629 可以直達公園門口，但我想讓座比偉大既遊客，所以我係中環坐 90 號到香港仔隧道口就落車行路入去。
▲ 「風起雲湧」睇黎就係講呢種；話說呢個就係未來的海洋公園站出口，原定 2015 年底通車，但宜家仲通緊條隧道，相信大家都會相信政府相信既「慢工出細活」。
▲ 呢期「ISIS」襲擊陰霾，加上要防範遊客用「自己既方式」偷偷帶違禁品進入園區，所以保安人員都加緊檢查行李背囊； YK 仔我生日的緣故，所以頭上有光環免除檢查（大誤！）。事情係因爲「兩手 Hold 住銀包電話」，順利通過嚴密既檢查。
▲ 我印象中海馬公園得「威威豬司令」，門口兩個門神有無網友知道何方神聖呢？
▲ 排隊既時候見到一班天真又可愛既小朋友，不禁令我感嘆宜家細路真幸福，幼稚園 / 小學既課堂竟然係去海馬公園，絕對係贏在起跑線啦； 題外話，祖國繼續偉大落去的話，下星期可能變做 RMB￥1.15 = HK$1。
▲ 排左幾分鐘就到我買票：我出示身份證，然後充滿自信而淡定地講句：「我今日生日，小二，一張飛唔該！」你會得到一句「生日快樂」同埋生日優惠卷，以及門票一張。 旅程係咁就正式展開～
▲ 一開閘就見到個大水池，每時每刻都噴出條條水柱，那份具激情的節奏、具線條的旋律，話口未完我就被「衣、呃、山」拉回到現實世界。。。
▲ 首先當然要探望下仍然在生既國寶熊貓啦！ 老遠已經見到熊貓夫婦加一隻金絲猴，「傑傑傑」咁笑著迎接本人。
▲ 現場觀察所見，其實金絲猴都係一種好「毒」既生物，一直處於自我交流既狀態。
▲ 而鄰居大熊貓 （名字不詳）， 更加係重女輕男既生物： 女士舉相機都會擺下姿勢，本人一舉起手機就轉身走佬。。。
▲ 跟著要介紹既係我個年代未有的穿山海洋列車，過往要坐纜車上山，宜家可以選擇坐呢個類似地鐵既物體。
▲ 你知啦，呢種咁落後既穿山列車，大陸遊客未必見過，所以基本上咩告示牌都攔阻唔到佢地衝上列車既意志；再加上車廂裏面的特效唔夠刺激，遊客們都願意犧牲自己手機、相機的電力，不時打開閃光燈加強視覺效果，真係好有落 Club 跳舞既 Feel～
▲ 本來一個人冬天入海馬公園已經好「寂寞、空虛、凍」，但呢個「冰天雪地」真係無呃你， 將一股強烈既冷空氣同「企鵝味」傳入你的鼻。呢一刻我覺得我完全明白中學時代中文科所謂既「融情入景」、「觸景生情」係咩一回事，完！
▲ 伴隨着「波、坡、魔、科」高談闊論，我竟然係海馬公園見到全部加入「中國字」簡介描述，除左讚歎園方超英趕美之德政之外，我亦開始思考「遷徙求存」這個問題。
Part 2：一個人的雨林
你問我有咩慘過一個人入海馬公園？ 答案當然唔係無得入啦，而係見到人地一對對咁入。 正如版主 Eddie 曾經語重心長同我講：「YK 仔，你知唔知有咩慘得過食屎？」我天真地回答：「兩舊屎？」版主 Eddie 托一托眼鏡：「唔係，而係你食屎既同時隔離食緊飯呀。。。」
▲ 係呢個毛文，如果有人展示你睇溫情、愛情同偷情，你都會覺得自己十足曾主席得到神級隊友祝福一樣 ---- 拜託，唔做好過做。。。
▲ 你會第一次樂意聽從水炮中央的指令「按此發射」，輕輕按下紅色按鈕，但現實時機不對、出唔到水。。。
▲ 越想越覺得：「媽呀，好毒呀～」
▲ 講多幾次後，你開始問自己世界上有同是天涯淪落人？
Part 3：熟悉的老香港
海馬公園有樣好，同一般既公園唔同，絕對唔會有安靜既空間比我胡思亂想； 普通話，就算天涯海角，都能覆蓋，情況就同公共 Wi-Fi 一樣～
▲ 香港科技界好中意 Wi-Fi 架，由當年取消無限上網開始就已經變相鼓勵緊網友們使用 Wi-Fi，加上媒體得閒就幫大家測試下公共 Wi-Fi 既覆蓋呀、速度呀等等。睇黎如果公共 Wi-Fi 覆蓋範圍同普通話一樣咁廣就最好啦，係咪？
▲ 曾經有網友向我訴苦，話海馬公園內既鄰國遊客唔守秩序，我要澄清下，其實佢地用左「帝皇企鵝式」排隊方案，姐係一個貼住一個，後方企鵝不斷向前推擁，聽聞帝皇企鵝們因爲呢種方案得以省時省力完成大遷移；偶然有人唔習慣都在所難免。
▲ 一人一纜車車廂，我享受了在公園裏難得的清淨～
▲ 唯一令我舒服的「老香港」，上面部分相似的物件在旺角洗衣街也能找到呢！
Part 4：全新的唔 L 係掛
樹熊深受本人喜歡，皆因佢識得講「唔 L 係掛」，傳神的表情能替我表達內心多變的不安。廢話講完，樹熊黎左海馬公園，我要入去「澳洲歷奇」睇佢，完！
▲ 睇黎係樹熊係萬衆期待既物種，等候入場人士開心到要挨住隔離個朋友同時 hehe 咁笑。
▲ 好令人期待究竟係咪真係網友流傳咁既樣！
▲ 入到去先睇一條長廣告片，之後話你知有咩要注意，費事嚇親樹熊令佢用粗口鬧你就唔好啦～
▲ 我最期待既畫面無出現到，而且幾個樹熊大大距離又遠，手機拍攝好困難；同場加映大鳥一隻，以及美女與袋鼠。由於事前工作人員叮囑遊客，館內請勿高聲談話，所以整個參觀過程都很舒服。
▲ 離開公園前，我用左個生日優惠卷買左個樹熊杯，當係支持下海馬公園。
尾聲：孤身上我路
生日一個人入海馬公園其實都有少許「寂寞空虛凍」，雖然我選擇左星期二、非假日時段入場，但大陸遊客仍然梗有一堆係你左右。如果你都就黎生日，不妨學我咁瀟灑入場，當行一轉維園咁，其實都係唔錯既選擇。同樣都係一個人過生日，總好多留係屋企掛～咩話？ 點解唔玩機動遊戲？ 毒 JJ 一個，玩咩機動遊戲都係自己一個坐，你想點？
最後，我用緊邊部手機影呢攝相呢？ 睇完之後，大家不妨留言估下。
（全文完）
