成功「打尖」！4 月 28 號 HTC 10 發佈！
剛剛 HTC 就正式宣佈，將會係 4 月 28 號發佈 HTC 10 ，以日期而言，今次 HTC 成功比華為早一步搶閘推出呢部 S820 跑分皇！其實， HTC 早在 4 月 15 號（上星期 5）已經係台灣推出左呢部用上全新 1200 萬像素 Ultrapixel 主相機旗艦，所以香港幾時開賣？看來都唔需要等好耐，分分鐘好似台灣咁，全球發佈後幾日已經買得到呢！講開 HTC 10 ，唔爭在講多少少相關資料。首先係價錢方面，參考返台灣定價，HTC 10 兩個版本分別為 32GB 售價 22900 元（約為港幣 $5504），而 64GB 售價 24900 元（約為港幣 $5985），如果依照以往慣例，香港定價一般會比台灣高少少。（唯有寄望開賣時劈價多啲啦！）另外，係美國方面， HTC 10 跟機並沒有 Hi-Res 耳機，香港跟機有無都係一個值得留意的重點呢！
▲ HTC 10 係全球發佈後，評價看來都幾正面，唔知大家有無興趣入手？
HTC 10 係文章發佈時，香港發佈日期為 4 月 28 日，按這裡有更詳細規格及最新賣價。