華為 P9 大鋪企硬係減， HTC 10 唔夠 csl 平？
先講左價錢，其實之前預訂期間，大鋪預訂價錢都要 $3880 以及 $4880 ，大家應該都估到，係正式開賣之後，唔會即時有減價吧？係發佈會之後，版主第一時間梗係即時去各大鋪查問價錢啦！而得到的結果就係，不論是 32GB 版本還是 64GB 版本，價錢都係一蚊唔減。係呢個情況下， csl 個價錢當場變得有吸引力了，當中定價 $3880 的標準版減至 $3492 ，而 $4480 的加強版就由 $4480 減至 $4032 ，兩個都係減左大約 $400 。HTC 10 情況都差唔多。係延期推出之後，版主再到大鋪問價，不過預訂價錢一樣係 $5398 。所以，想用更平的價錢入手 HTC 10 的話，都係 csl 比較抵玩的。因為 csl 已經公佈左， HTC 10 的淨機超激價是 $5198 ，比起定價平 $500 之餘，對比大鋪都平多 $200 。不知呢個又係咪大家的心水價位呢？
▲ 雖然係 csl 方面 P9 可以平大約 $400 ，但有網友反映其實 csl 有減價但無貨，而網上商店亦未能買到。可能等多一陣再入手比較好呢。
HTC 10 幾時先開賣？ 可能是 5 月 6 日
對於 HTC 10 ，另一大家都想知的問題當然係：到底幾時出？官方昨日就只係話 5 月頭會開賣，但確切日期就唔清楚。版主今日都去不同大鋪同埋有淨機減價的 csl 問過，大鋪好似百老匯就回應可以預訂但唔知幾時有貨，而 csl 就話無貨而且唔知幾時有。但到衛訊查問時就有驚喜了！版主聽聞 HTC 10 最快開賣日子會係 5 月 6 號（留意係最快，即係話唔定會係 6 號之後），而唔少網友都話過想入手的紅色版 HTC 10 ，最快就 6 月先有。若然屬實，唔知大家又會唔會等多一個月，到紅色版推出才入手呢？留言講講吧！
▲ 第一輪係香港發售的 HTC 10 有金、銀、灰三色，最快可能 5 月 6 到港，而紅色看來 7 月先有。
HTC 10 於文章刊登時，大鋪賣價 $5398 ，按這裡有更詳細規格及最新賣價。
華為 P9 (3GB RAM) 於文章刊登時，大鋪賣價 $3880 ，按這裡有更詳細規格及最新賣價。
華為 P9 (4GB RAM) 於文章刊登時，大鋪賣價 $4480，按這裡有更詳細規格及最新賣價。
