S820 其實係慳電
大家都話，上年嘅 HTC One M9 唔多慳電、而 LG G4、V10 有得換電都無用，因為係食電怪。有人話 LG 控電能力差，經過今次實測，版主會覺得 S810、S808 處理器，再配 2K 芒真係原罪，真係用 2K 芒，又有比較襟用嘅電，似乎呢一代嘅 CPU 先做到得。Qualcomm Snapdragon 820 SoC 係製程上已經升級至 14nm，再加上新一代 Hexagon 680 DSP 數位訊號處理器，天生已比 S810 慳電。Qualcomm 自己都話 S820 比起上一代省電 30% 。大家記得，同一個現像，係採用 Qualcomm S617 嘅 HTC One A9 都發生過，大家可以重溫之前 Andrew 嘅研究文。
▲ 採用 Hexagon 680 DSP 嘅 S820 SoC 是省電主因。
講左咁多，咁 HTC 10 電量又如何？先來過官方解說。HTC 是這樣講的：HTC 10 加入全新的 PowerBotics 電池管理系統，能優化電池使用壽命達 30%，在一般情況下可使用長達 2 天。HTC 官方有以下解說，但到底實際使用情況又點呢？不如 Share 一下版主嘅使用體驗。
▲ HTC 認為 HTC 10 可以咁樣用，連續播 13 小時 Video、連結播 73 小時音樂，Web Browsing 都 13 小時，待機最長 19 日。
用電親身體驗
▲ 以上是三日版主嘅用量，在 4G LTE 網絡下，大約是聽歌一小時 (Spotify)、每一小時約有十分鐘 Facebook 或 WhatsApp 等，再加每一小時有十分鐘網站 Browsing。全日十五分鐘 Voice Call 及 10 分鐘影相。大約可以每日連續用到 11 -14 小時左右。
跑分講明一切
▲ 除了主觀感覺，亦有數據：我哋跑 Geekbench 3.0 Battery Test。呢個 Test 會模擬在 CPU 80% 負載下，不停運作。測試成績就係由 100% 電量至手機關機時的總時間。我哋選擇係 Flight Mode 情況下，等 Battery Test 做出最佳成績。係 HTC 10 上面，做出 ８小時 18 分嘅成績。好定唔好呢？我哋找了同期嘅 LG G5 作對比，發現得分相約，以 LG G5 比較好。兩部 S820 處理器手機，電池效能也差不多。
| 電池容量 (mAh) | Battery Runtime | Battery Score | |
| HTC 10 (*) | 3000 | 08:19 | 4985 |
| HTC One M9 (#) | 2848 | 06:02 | 3008 |
| LG G5 (#) | 2800 | 08:51 | 5315 |
| LG V10 (#) | 3000 | 05:26 | 3268 |
| Galaxy S7 (#) | 3000 | 09:39 | 5798 |
| Lenovo P1 (*) | 5000 | 11:55 | 4770 |
| Sony Xperia Z5 (#) | 2900 | 05:53 | 3531 |
| Huawei Mate 8 (*) | 4000 | 13:21 | 7907 |
| Zenfone Max (*) | 5000 | 13:55 | 5568 |
(#) 由 Geekbench 3 資料庫中，找出的最好結果。
▲ 呢個表就係列出幾款今代及上代旗艦手機的 Battery Test 跑分及內置電量。可見，同樣是約 3000mAh 電池，HTC 10 成績都比上代如 Z5、V10 嘅優，差距仲好大。有趣嘅係，今年已推出嘅旗艦手機，如 Galaxy S7、LG G5、HTC 10 都唔係特別用上超大電池，但也做到不錯嘅續航，可見大家買今年旗艦，也不用太怕遇上「倒水電」情況。
播片、打機測試
好了，上面兩個 Test，都係版主嘅私人行為再加紙上談兵，仲有無更實際嘅電量實測？有的！先來播片耗電實測。版主把 HTC 10 與作為對比嘅 LG G5 係 YouTube 串流睇電影「精裝追女仔」1080p 版本，同時手機調至最光，音量是 75%。我哋會播放一小時後，再紀錄消耗了的電量。
▲ 我地連入 WiFi 作串流播片測試，一小時之後 HTC 10 還有 91% 電量，即用了 9% 電量，消耗了 270mAh 電量。換算上來，HTC 10 係 WiFi 環境下串流播片，可以連續播放大約 11 小時 Full HD 影片。
▲ 我地連入 4G LTE 網絡作串流播片測試，一小時之後 HTC 10 還有 87% 電量，即用了 13% 電量，消耗了 390mAh 電量。換算上來，HTC 10 可以連續播放大約 7.6 小時 Full HD 影片。
▲ 我地連入 4G LTE 網絡作測試，一小時之後 LG G5 還有 89% 電量，即用了 11% 電量，消耗了 308mAh 電量。換算上來，LG G5 可以連續播放大約 9 小時 Full HD 影片。
| 電池容量 (mAh) | 連續播放 Full HD YouTube | |
| HTC 10 (*) | 3000 | 7.6 小時 |
| LG G5 (*) | 2800 | 9 小時 |
| Lenovo P1 (*) | 5000 | 20 小時 (wifi) |
| iPhone 6s Plus (*) | 2750 | 5小時 |
| Sony Xperia Z5P (*) | 3430 | 5 .5 小時 (開啟省電模式) |
▲ 我哋再找回幾個以前嘅紀錄，發覺 HTC 10 定係 G5 都超過了上代旗艦手機嘅連續睇片時間，甚至比起更大電嘅 Z5 Premium 更加長。又引證了，單係電量一環，買舊機不如買新機嘅理論。
第二個測試打機：版主把 HTC 10 與作為對比嘅 LG G5 調至最光，音量是 75%。我哋打半小時賽車遊戲 GT Racing 2，再紀錄消耗了的電量。
▲ 我地連入 4G LTE 網絡作測試，半小時打 GT Racing 2 之後， HTC 10 還有 89% 電量，即用了 11% 電量，消耗了 330mAh 電量。換算上來，HTC 10 可以連續打機 4.5 小時。
▲ 我地連入 4G LTE 網絡作測試，半小時打 GT Racing 2 之後， LG G5 還有 92% 電量，即用了 8% 電量，消耗了 224mAh 電量。換算上來，LG G5 可以連續打機 6.25 小時。
| 電池容量 (mAh) | 連續打機時間 | |
| HTC 10 (*) | 3000 | 4.5 小時 |
| LG G5 (*) | 2800 | 6.25 小時 |
| Lenovo P1 (*) | 5000 | 16 小時 35 分 |
| iPhone 6s Plus (*) | 2750 | 3 小時 30 分鐘 |
| Sony Xperia Z5P (*) | 3430 | 4 小時 15 分鐘 (開啟省電模式) |
▲ 我哋再找回幾個以前嘅紀錄，發覺都有今代旗艦嘅打機時間，好過上一代嘅情況。要知道 HTC 10 使用 Qualcomm S820 處理器，其中 GPU 圖像處理能力比起三星 S7 採用嘅的 Exynos 8990 都要強，但打機時間卻沒有因為咁而下跌。另外 HTC 10 內置 Boost+ App，裡面的遊戲優化，也會透過降遊戲畫像，達到省電效果，而呢個測試，也無反應出來。
小結：新代旗艦值得入手
好多網友都有買手機不如買前代旗艦的迷思。例如追捧平到笑的 LG G4，或者覺得 HTC One E8 性價比超高。但有無想過，上一旗艦就是上一代料子，效能無可能勝新一代。今次以大家關注嘅電量作測試，結果顯示，新一代旗艦如 HTC 10，3000mAh 電量效能，比起前代進步好多！要知道，HTC 10 解像度已升級至 2K，屏幕解像度越高，越消耗電池效能。但因為新的 SoC 配合，再加上 Android 6 系統的幫助，無論硬巴巴數字 Benchmark ，或是真實的體驗，HTC 10 電池效能足以應付中用量用家一天的需要。當然，你係睇片、打機狂，上面實測都話比你知，大電量如 4000 / 5000mAh 電池是比較可取，但你會減少左大廠嘅選擇。留意，今次拉埋 LG G5 落水，發覺呢部被網友評為樣衰嘅手機，但實際有其內在美。而 Sony Z5 系列似比下去，但不竟是上代嘅事，五月推出嘅 X Series 全部採用新一代 SoC ，相信電量效能又會提升。iPhone 6s Plus 好慳電？打機睇片，差過 Android 新一代。總之，版主告訴大家，若網友認為電量效能是好重要，又唔想得番大電量又唔係 Flagship 選擇，唔好再慳埋 D 錢買上代旗艦！新機一定其好處嘅。HTC 10 評測相關文章
評測：HTC 10 UltraPixel 2 相機，日拍夜攝 + 4K 短片實力試
HTC 10、三星 S7 Edge、LG G5、華為 P9 攝力大對決
版主 Hands On! HTC 10 十大強項，強打韓、日品牌
至強回歸! HTC 10 : UltraPixel 相機 + 前置 BoomSound
HTC 10 發佈! 四個你可能知，一個你完全唔知嘅消息
未發佈，外型確定! HTC 10 實機圖搶先流出
無廣告，無後門！HTC Boost+ 幫你一按清理手機垃圾
AnTuTu 第一位 ! HTC 10 效能跑分強過華為、完勝三星
HTC 10 跟機耳機有來頭! Hi-Res 認證 + 8 微米航太材料振膜
呢個機套好有趣! HTC 10 Iceview 有新意
中階版本 HTC 10，配 S652 處理器! HTC 10 Lifestyle 中國官網現身
ePrice 電量測試文章
長氣定食電? 巨肺王之爭 Xperia Z5 Premium VS iPhone 6s Plus五千電量大測試 Lenovo P1 用足三日 不用充電
六吋芒 + 四千電! 華為 Mate 8 電量效率 vs 三星 A9 鬥做長氣王
Andrew 的 HTC One A9 實測
免費有得聽! 教你係手機聽盡 Hi-Res Audio 原音音樂
2150mAh 電池效能擊敗 3000mAh 機種 ! 實測 Android 6.0 慳電威力
Android 6 不是全部! 揭開 HTC One A9 高省電效能之秘
教你用 HTC One A9 潮玩 Hyperlapse 動態縮時攝影
驚艷! 教你手機 + App 零難度拍出單反相機效果
HTC One A9 寶石紅驚艷寫真
HTC One A9 極速更新 眼可見，手可觸的有感升級
加七舊水 聽 Hi-Res! 手機聽靚聲 入門攻略
HTC 10 係文章刊登時，賣價為 $5398，按這裡有最詳細規格及最新報價
