HTC 10 改期 5 月 7 開賣！全線手機劈價造勢？
HTC 10 本來預定最早可以 4 月 29 號開賣，最後因為軟件更新問題，所以押後到 5 月頭推出。版主早前問過，最快會係 5 月 6 號到貨。雖然到左今日都仍然未開賣，但版主係多間大鋪問過，得出的答案都係預訂的話最快係 5 月 7 號就可以拎機，而預訂價都未有變，一樣係 $5398。不過，有樣野值得想入手 10 的朋友留意，早前 csl 公佈左 HTC 10 淨機價會係 $5198 ，但後來就將相當資料抽起。最後會唔會無得減？聽日先知啦。除左新旗艦聽日推出之外，要留意 HTC 係 10 推出之前，近乎全線手機係大鋪都有劈價，而且幅度實在唔細！減得最多首推 One A9，係豐澤將 16GB 版本價錢減到 $2598 之後，衛訊更加進取，將 32GB 版本「即減 $1500」，實際價錢由之前的 $3398 減到 $2998。同樣最近推出左 Android 6.0 升級，開賣差不多兩年但仍然有唔少人支持的 One E8 ，價錢都由 $1798 減到 $1698 ，性價比又高左少少。另外 HTC Desire 728 都由 $1998 減至 $1898，如果早排有減的 One E9（再減 $100 跌至 $1998）同埋 One ME（都係減 $100 變成 $2698），真係差不多全線 HTC 手機都劈左價了⋯⋯
▲係 Facebook 群組 HTC Fans HK 上，有網友影到大鋪已經有 HTC 10 的陳列機，即係好快有機賣啦！
▲ HTC One A9 16GB 版本而家豐澤用 $2598 促銷，本身都叫抵玩，想不到而家連 32GB 版本都減到 $2998 ，看來更吸引呢！
▲ HTC One E8 長壽程度同 LG G3 絕對有得比，價錢來到 $1698 仲有 Android 6.0 ，比新推出的入門機都要吸引吧？
▲ HTC One E9 規格相當普通，價錢即使跌破兩千來到 $1998 ，看來都係無乜人留意。
▲ 同樣用上 MTK Helio X10 處型器仲多左指紋掃描的 One ME 就做緊 $2498。
csl「縮沙」 CMHK 劈價！華為 P9 最多減 $600
唔少網友都將同期發佈的華為 P9 同 HTC 10 做比較，所以講完 HTC 10 再來講下 P9 的消息。話說華為 P9 係開賣之後，正如大家所見，大鋪出奇地沒有減價，所以早前最平入手的方法就係 csl 的即減 $400 。不過，過左無耐連 csl 都「縮沙」，由「即減 $400」變成「即減 $100」，所以 P9 加強版賣價變成 $4380 ，而 P9 標準版都要 $3780。幸好，係 csl 加價後 CMHK 就推出左頗為吸引的客戶買機價。當中有 4GB RAM 的 P9 加強版由 $4480 減至 $3880，減左 $600 後即時變左 P9 標準版個定價！另外 3GB RAM 版本的 P9 標準版就由 $3880 變成 $3380，減到 $500。另外，有網友都提過，係網上買機仲有 $100 超市禮劵送呢！可惜， CMHK 呢個優惠價只係客戶先有，如果不是 CMHK 客戶又想平價買 P9 ，版主覺得等多陣會比較著數呢！
▲ csl 將華為 P9 價錢提升至 $3780 同 $4380 後，性價比即時低左唔少⋯⋯
▲ 但係 CMHK 的客戶買機價卻相當有睇頭，要留意網購會有多更優惠呢！
在文章發佈時，HTC One A9 16GB 版本價錢為 $2598 ，按此看手機詳細規格及最新賣價。
在文章發佈時，HTC One A9 32GB 版本價錢為 $2998 ，按此看手機詳細規格及最新賣價。
在文章發佈時，HTC One ME 賣價為 $2498 ，按此看詳細規格及最新賣價。
在文章發佈時，HTC One E9 賣價為 $1998，按此看詳細規格及最新賣價。
在文章發佈時，HTC One E8 賣價為 $1698，按此看詳細規格及最新賣價。
在文章發佈時，HTC Desire 728 賣價為 $1898，按此看詳細規格及最新賣價。
於文章發佈時，華為 P9 (3GB RAM) 大鋪賣價 $3880 ，按這裡有更詳細規格及最新賣價。
於文章發佈時，華為 P9 (4GB RAM) 大鋪賣價 $4480，按這裡有更詳細規格及最新賣價。
圖片來源：HTC Fans HK
![[圖集 + Hands On ] 三千中搶 iPhone? 錯! 係 HTC One A9](http://img.eprice.com.hk/img/news_hk/15116/large.jpg)
