全新防震大光圈鏡組 + 單反級功能加持！
早幾日放龍舟假，Andrew 我自然去朋友屋企附近睇龍舟，但天氣熱到喊又嗮，係太陽底下企多一秒鐘都會死。所以 Andrew 我都係求其用 HTC 10 亂影一通，翻屋企先再詳細睇相咋～ 但原來發現求其影都效果好好，但我知唔同網友對相機既要求高低不同，所以我索性貼嗮相片上黎比大家參考下。需要補充一點，Andrew 並無專業攝影經驗，跟各位一樣都是普通人。所以，我能夠拍攝到的，每個人都可以拍攝到。
正所謂「工欲善其事，必先利其器」，Andrew 手上的利器自然是 HTC 10： 主鏡頭擁有第二代 UltraPixel 的 1200 萬像素（1.55μm），配合鐳射自動對焦和 O.I.S. 光學防手震加持，f/1.8 大光圈更有利於隨時炮製淺景深相片，媲美單反大光圈鏡頭的效果！ HTC 10 新鏡頭模組的進光量比前代 One M9 多達 135%， 對焦更快達三倍！ 當然，HTC 10 亦保留真正的全手動拍攝模式和 12-bit RAW 相片格式，難怪外國評測機構 DxOMark 的 Mobile 測試項目中，打出目前最高分的 88 分給予 HTC 10。
色彩還原度極高、貼近肉眼所見！
香港網友非常幸福，皆因 HTC 10 開賣時已經獲得最新版的手機更新，獲得更新後相機性能和拍攝效果有明顯的再升級。換句話來講，之前不少的外國評測並沒有展示 HTC 10 真正的實力！ Andrew 在下面就貼上用 Auto mode 自動模式拍下的照片，畢竟天氣熱、太陽猛，我唔會咁傻仔企係街上玩 M Mode 全手動模式，採用一 Cap 即閃走既攝影策略。廢話少講，立即去圖！
▲ 龍頭威猛身卻成舟，這是一隻擺設用的龍舟。
▲ 窺探自由一線天，橋底的我所看到的只有一抹藍帶，唔係講緊藍帶啤酒。
▲ 路邊的野花不要採，其實我估應該係康文署負責種植。
▲ 香港仔龍舟比賽花牌，但唔明白同局長有乜關係，可能現場有粽派掛。
▲ 望著前往起點出賽的龍舟隊伍，但我比較想玩隔離隻遊艇。
▲ 欲窮千里目，騎老豆膊頭。
▲ 彩旗飄飄，但我只係影左其中一支。
▲ 漁港賽艇，龍來龍往，其實熱鬧既位置都只係右岸。
▲花雖美，開得盛，但熱到頭髮都有燒焦既味道，邊得閒慢慢睇。
▲ 老樹好乘涼，但香港地樹老就要斬。
▲ 純粹玩淺景深，鏡組有 f/1.8 大光圈唔咁樣玩好似浪費左。
▲ 翻屋企先黎落雨，唔通個天鍾意我。
結論：令人放棄沉重相機
論規格，HTC 10 屬於手機中的超班馬；論實際體驗，上面既相片唔講都唔覺得係手機影！ 其實我知道有唔少網友好似 Andrew 我咁會帶一部 SnapShot 相機出街，正所謂「多一舊不如少一舊」，其實我覺得上面既相片，已經夠玩 SnapShot 有餘，HTC 10 擁有 1200 萬像素其實沖嗮 8R 已經綽綽有餘。而且擁有鐳射對焦和 O.I.S. 光學防手震，隨時舉起手機就可以 Cap 低想要既畫面。如果你同我一樣唔想又帶手機又帶相機出街，HTC 10 絕對是值得推介的好選擇！
資料由客戶提供
