擁有二千萬像素鏡頭嘅手機，唔算好多！大家多數會想起 Sony。行貨來講，最平應該係 Sony Xperia XA Ultra，二千中就有。不過，XA Ultra 只有 3GB RAM 及 16GB ROM，容量比較細。大店蘇寧會係 12 月 12 日開張，頭炮唔少得玩特價，佢地居然係庫底搵出斷貨好耐嘅 HTC One M9! HTC One M9 雖然係 2015 年嘅旗艦，但係全金屬機身，依然係金屬手機裡面，造工最好之一。HTC One M9 採用 Snapdragon 810 處理器，3GB RAM 及 32GB ROM。HTC One M9 香港版支援不少唔錯嘅網絡功能，包括 VoLTE 及 Cat 6 速度，最高 300Mbps 嘅 LTE。 M9 已升級至 Android 6.0，稍後亦可享用 Android 7.0。$1998 呢個價錢，應該好難再搵。
▲ HTC One M9 大家還記得嗎？係大店已消失左。
▲ HTC 10 越來越少地方有得賣！旺角嘅豐澤已絕左跡。但我係元朗見到另一部 HTC One ME 仲平，賣 $1978 咋，都係咁 M9 用同一組二千萬像素鏡頭，只係影唔到 RAW 格式相片。
▲ 今次特價係蘇寧，呢間前生係雷射電器，被收購後，終於把大陸嘅網購系統引入香港，係 12 月 12 日開舖，其中 HTC One M9 會係減價嘅焦點。大家可以 Click 呢度先登記，因為都要等 12 月 12 日正式開幕才有得搶。
▲ HTC 早幾日推出嘅 Desire 10 Pro 即出即減，三千唔駛 $2998 賣街，除了 Sun Mobile，百老匯都係呢個價。
▲ Meizu Pro 6 都算係比較平嘅選擇 $2798，佢用嘅鏡頭，仲係跟 Sony 手機同級！
HTC One M9 係文章發表時，已停售，今次個別店的清貨優惠，按這裡有更詳細規格。
HTC One ME 係文章發表時，賣價為 HK$1978，按這裡有更詳細規格。
HTC Desire 10 Pro 係文章發表時，賣價為 HK$1989，按這裡有更詳細規格。
Meizu Pro 6 係文章發表時，賣價為 HK$2799，按這裡有更詳細規格。
