HTC U Ultra 外觀搶先看！玻璃機背靚過十仔嗎？
首先要講的是，由於今次發佈會上 HTC 給傳媒試用的版本，未係 Final 的，有很多資料、跑分等等都不能公開，不過版主都有極速、簡短的試玩過，所以今次版主主要會同大家講下，我對呢部機有啲乜嘢感覺。首先外型方面啦，U Ultra 同 U Play 最大的分別，在於 U Ultra 係行旗艦的路線，有 5.7 吋主屏幕以及 2 吋的副屏幕; 而 U Play 則係行中階的路線，屏幕尺寸得 5.2 吋，而且係無副屏幕的。至於機背位置所用的材質，兩部機都係一樣的，用上玻璃機背，同樣有四種顏色，分別為白、黑、藍以及粉，當中首輪會推出的，會是白、黑、藍三色。HTC 表示，呢種玻璃相對唔會咁容易痴指紋，不過實際上唔係幫到幾多，版主見到有不少手機身上，都依然係會有指膜印的。
▲ 版主手上的，是 5.7 吋的 HTC U Ultra。點認？好簡單，右上角會有類似 LG V 系列的副屏幕。
▲ HTC 表示，同 LG 那個不同的地方是，HTC 會在副屏幕上，加入 AI 的功能，除了可以在副屏幕上觀看信息、Schedule 等通知之外，同時亦會學習用戶的使用習慣，例如可以快速啟動你常用的 App / 聯絡人。另外，在副屏幕的旁邊，會有前置鏡頭，呢個前置鏡頭有 1600 萬像素，並支持全景自拍、UltraPixel Mode、自動 HDR 等功能。而當中的全景自拍，版主試過，並唔係好好用，點解？因為當你按完快門鍵之後，你係需要自己用手旋轉手機，轉向左邊影一張，轉向右邊影一張，並非真係好似 LG 果種咁，本身一影就有 wide angle，而這種的自拍方法，好容易會導致手震。
▲ 以上為 HTC 員工對於雙屏幕的介紹。
▲ 而屏幕下方會有指紋辨識鍵。
▲ 至於機背部份，版主手上的是藍色的 U Ultra，用上了玻璃材質，拎上手的感覺並不會很滑，而且唔會覺得好重，手感不錯。
▲ 主鏡頭有 1200 萬像素，光圈值為 F1.8，支持 OIS 光學防手震、PDAF 對焦以及雷射對焦功能。另外，呢張圖都可以見到，其實都仲係好容易痴手指膜。
▲ 右邊同 HTC 10 一樣，在開關鍵都係有啲狗牙咁，相信這個的設計，係為左讓用家更容易唔使睇，都可以摸到開關鍵。
▲ 而機的頂部，會有三選二「孤寒式」雙卡槽。
▲ 至於機底位置，會有 USB Type-C 插口。要留意的是，HTC U Ultra 已取消了 3.5mm 耳機孔，所以跟機的耳機，都係用上 Type-C 插頭的。
▲ 另外，U Ultra 有四種色，分別為白、黑、粉、藍。
▲ 以上為 U Ultra 的介紹。
HTC U Ultra 跑分又如何呢？偷偷講你知「大概」
大家都知道，HTC U Ultra 配備了 S821 處理器，內置 4GB RAM 以及 64GB ROM，呢個配置應該係 2016 年的 specs。可惜的是，在發佈會場上的 U Ultra，並非 Final 版本，相信應該係好多地方都未 tune 好，所以有關場上手機的跑分、試相等等，都不能夠公開，只能夠給大家看看 U Ultra 的外型。不過，相信有唔少網友，都好好奇，呢部 U Ultra 大約可以跑到幾多分，版主在場上有試過偷偷進行跑分，確實分數版主可能唔可以話你知，不過可以同大家講嘅係，佢嘅分數大約跟現今普遍的 S821 手機相若，唔算特別好高，但可能當 HTC tune 好的話，跑分應該會有所提升。
用上 Type-C 耳機有乜好？版主即試 U Sonic 音效
HTC 在發佈會上有提過，點解會用上 Type-C 耳機呢？用上跟機的 Type-C U Sonic 耳機，可以做到聲納探測技術，戴上耳機之後，聽到「沙」的聲音，能夠在幾秒內，就能夠提供最佳的耳機音樂體驗。唔同 HTC 10 果種，慢慢聽唔同的頻率，效率相對以往快了不少。
▲ 設定完自定義的音效之後，版主利用跟機的 U Sonic 耳機試聽過，覺得真係好唔錯，推力足夠之餘，感覺上好似聲音在你耳邊迴盪着咁，歌手就在你耳邊，唱緊歌仔俾你聽咁，相比 HTC 10，版主個人覺得，變得更加好。
HTC U Ultra、U Play 發表、評測相關文章
買得到的 Pixel XL! 5.7 吋 2K 大芒 HTC U Ultra 無失你望！到價即衝
雙屏幕 + 玻璃機背，藍色好靚仔？HTC 旗艦 U Ultra 極速上手試玩後感分享
HTC 高層自爆: 唔再有 HTC 11！
HTC U Ultra (64GB) 在文章發表時，香港上市日期未定，按這裡有詳細規格及最新賣價。
HTC U Ultra (128GB) 在文章發表時，香港上市日期未定，按這裡有詳細規格及最新賣價。
HTC U Play 在文章發表時，香港上市日期未定，按這裡有詳細規格及最新賣價。
