5.7 吋 S821 用玻璃機背！HTC U Ultra、U Play 香港發表有期

左定坤 (Cho Ting Kwan) 2017-01-26 19:13 | HTC

每個人都有自己鍾意嘅嘢，唔鍾意嘅嘢，呢啲事無得勉強，好似版主我咁，未出 HTC 10 之前，其實無乜邊部 HTC 手機吸引到我，主要係設計問題。去到 HTC 10 開始令我有少許改觀，但未去到非常喜歡的程度。不過，HTC 最近台灣發表的兩部新機 U Ultra 以及 U Play，就有令版主想用的衝動。果陣時就話，呢兩部新機香港上市日期及賣價都未定，不過剛剛收到來自 HTC 香港的邀請函，得知了呢兩部新機的香港發表日期。睇下文啦！



就在剛剛，HTC 傳來了邀請函，表示將會在 2 月 7 日 (星期二) 舉行發佈會，講到明會發表 U Ultra 以及 U Play。目前尚未知道這兩部機的實際上市日期，不過在台灣的時候 HTC 高層張嘉臨提到，應該同以前旗艦機的賣價唔差幾多，應該都係五千幾左右。而想知道幾時開賣同賣幾錢，就要密切留意 ePrice.HK 的分享了！