HTC U Ultra 再上手！「3D 曲面水漾玻璃」設計係咪真係咁靚？
相信大家都知道，HTC U Ultra 機背改用了「3D 曲面水漾玻璃」設計，對於 HTC 手機來說，呢個設計可以說是很大的突破。今次上手的，是黑色的 U Ultra，正正因為佢與別不同的「3D 曲面水漾玻璃」，令到機背在唔同的場景或者唔同角度下，會呈現出唔同嘅光澤感，相比過去 M7、M8、M9 甚至 HTC 10 嘅金屬材質，U Ultra 帶給版主的感覺最為特別。今次 U Ultra 一共有四種顏色，分別為黑、白、藍、粉，而版主覺得，就以黑色和藍色最靚。唔知你又認唔認同呢？
▲ 今次上手的，是黑色的 HTC U Ultra。雖然話就話係黑色，但其實你會隱約見到黑中有點帶綠。從不同的角度望落去，你可以見到部機會折射出不同的光澤，個樣睇落又幾靚嘅。不過都有缺點，就係容易痴指紋。
▲ HTC U Ultra 配備了 5.7 吋主屏幕以及 2 吋的雙屏幕，機身尺寸有 162.41 x 79.79 x 7.99 mm，拎上手感覺會很大。可惜手頭上無 V20 可以比較，唯有就將 S7 Edge 拍埋一齊，等大家比較一下到底有幾大。
▲ U Ultra 同時配備了 2K 解像度的屏幕，無論係色彩飽和度還是細緻度，都相當令人滿意。在室內環境下，從側面看去，可以見到其實佢嘅可視角度都做得不錯，好似上圖咁，咁側望落去都仲可以見到啲字。
▲ 但一到了室外，就會發現就算將屏幕校到最光，都唔會話特別光，咁嘅情況除左會影響戶外的閱讀性，可視角度表現亦都會變差。睇番上面同 S7 Edge 比較果張相，你就會見到個差別。
▲ 除左頭先提過嘅 3D 曲面水漾機背設計之外，U Ultra 仲有另一個特色，就係配備好似 LG V20 嘅雙屏幕。可惜的是，U Ultra 個副屏幕功能並不太多，雖然同 V20 一樣，平時都可以進行快速撥號、顯示天氣狀況、快速啟動 App、音樂播放控制等功能，但 V20 嘅副屏幕除左可以 Always on 之外，仲能夠在特定嘅應用程式入面 (例如相機)，在副屏幕上進行快速設定。而呢點係 U Ultra 暫時未有嘅。
同 HTC 10 一樣配備雙喇叭，效果又如何呢？
▲ HTC U Ultra 的雙喇叭分別位於聽筒與機底，音量很大且環繞感也明顯，但音質表現沒有比 HTC 10 好。
▲ 可以感受一下 U Ultra 雙喇叭嘅表現。
S821 + 4GB RAM + 64GB ROM，U Ultra 性能合唔合格呢？
HTC U Ultra 配備了 S821 處理器、4GB RAM、64GB ROM，作為旗艦機種，配置來說還可以接受啦。透過安兔兔硬體測試結果為 13,6457 分，表現比 Mate 9 和 V20 都還要高，在試用期間使用起來也沒有出現什麼遲鈍感，相信對於喜歡玩遊戲的重度玩家來說，HTC U Ultra 的性能也是值得信任的。
▲安兔兔硬體測試的詳細內容。呢個分數來說，唔知大家又滿唔滿意呢？
▲這是透過 CPU-Z 顯示的硬體資訊，沒有開啟省電模式的情況下，在不同時間檢視過幾次，發現 U Ultra 其中兩核 CPU 幾乎都是處於休息狀態，或許在性能充裕的情況下，這也是用於節省能耗的安排。
HTC U Ultra 在文章發表時，香港並未上市，建議零售價為 $5698，按這裡有詳細規格及最新賣價。
HTC U Ultra 發表、評測相關文章
LG V20 有難？ePrice.HK 獨家爆 HTC U Ultra、U Play 賣價！
賣價確定！HTC U Ultra、U Play 入手前必知 Q&A！
再上手，睇真啲！HTC U Ultra 評測: 外型 + 效能 + 喇叭
號稱攝力最強？HTC U Ultra 相機 日拍 + 夜拍，挑機三星 S7 Edge！
