是咁的，其實早前唔少大舖都將 HTC U11 減到 $4698。呢個價，以 2017 年，採用 Snapdrgaon 835 CPU 嘅旗艦手機來講，叫做平過 LG V30，但點平唔過 Sony，仲要差價有不少，成七百蚊！對於睇住荷包買手機嘅網友，呢七百蚊，係好難令人轉會 HTC。咁減多四百呢？SmarTone 門市開始大平賣 HTC U11！ 大家係佢地嘅網店揾唔到，但門市做緊 ＄4298 呢個價！大家都知，SmarTone 買淨手機，都送一年爆芒保，呢排送埋 Asia Miles，呢部機都有 250 里數，好過無啦！
講番部機，HTC U11，SmarTone 賣 6GB RAM + 128GB ROM 版本，採用 S835 處理器。U11 相機出名色準，可以說是 Pixel 2 之外，日攝夜拍都係最靚嘅一部。香港版己可升級至 Android 8.0 Oreo，除了有 U11+ 嘅 Edge Laucher 側控操外，最近都加入了長截圖功能，大家唔介意佢唔係 18：9 屏幕比例嘅話，入手 U11+ 仲好啦！
最後提提大家，唔係間間數碼通門市都有貨，但佢地又唔係無晒貨，落訂 $500 等下都可以，咁你可以 $4298 入手 HTC U11。
最後，最後，咁傳聞採用 S660 CPU 嘅 HTC U11 Eyes，又要賣幾錢，先值得入手？
