版主今次講嘅呢部機，之前 csl. 曾經將佢以低價清貨，不過當時係限量嘅，導致有些人買到，有些人買唔到。相信心水清的網友，應該都估到，版主所說的應該是 HTC U Play。而家唔使搶喇～SmarTone 網店做緊「超級優惠」，用比 csl. 之前比還要便宜的價錢，即 $1314 就可以買到呢部 U Play，你又會揀 U Play 定紅米 5 Plus 呢？
講到呢兩部手機，其實真係各有各好。以前講開 U Play，網友啲反應都係：咿...... 又係 MTK Helio P10，垃 X U，個個淨係識睇處理器，去判斷一部機好唔好。而紅米 5 Plus 用 Qualcomm S625，你又係唔係會揀佢呢？其實，用得呢個價錢買機，你期待部機會曉飛？可能過多 2 年，世界會有改變，但不是現在。雖然 U Play 用的 P10 又確實係多 bug 一點，但勝在以呢個價位來說，影相算是相當出色，點都好過紅米 5 Plus、魅族 M6 Note 等手機，難道不是嗎？
而差不多價位的手機當中，仲有無邊部係可以同紅米 5 Plus、HTC U Play、魅族 Ｍ6 Note 呢？價位比較接近嘅，可以考慮 Moto M，都係有 4GB RAM 但就得 32GB，用 MTK Helio P15 處理器，而如果唔介意俾多幾百，Sharp AQUOS S2 標準版，又有 S630 處理器、4GB / 64GB，而且仲有 NFC，賣價 $1880，都唔係話考慮唔過嘅~ 你又點睇呢？
以下版主會用 ePrice 手機比拼系統，同大家比較一下以上提過嘅幾部手機，睇下大家會點揀：
HTC U Play 在文章發表時，SmarTone 賣價為 $1314，按這裡有詳細規格及最新賣價。
紅米 5 Plus 在文章發表時，csl. 賣價為 $1399，按這裡有詳細規格及最新賣價。
Moto M 在文章發表時，大舖賣價為 $1494，按這裡有詳細規格及最新賣價。
Sharp AQUOS S2 (標準版) 在文章發表時，官網賣價為 $1880，按這裡有詳細規格及最新賣價。
魅族 M6 Note 在文章發表時，csl. 賣價為 $1680，按這裡有詳細規格及最新賣價。
