超好玩之 HTC One 試玩體驗日!!

 

講番今次個活動先，大約地址係太古坊港島東中心的一個活動室。第一次去喺甘富麗堂皇的地方搞GE活動，連部Lift都型過人(我搭到上去有個升天的感覺)

 

 
入到去接待處，咦？無人已經6:15p.m.了，難道我黎得太早…　

 

望下左，望下右先，依然唔見指示牌，好彩一齊搭Lift的都是去尼個活動的網友，跟埋佢地去左面個通道探索先～

 

 

咦？有部Tomas火車喎唔得前面位哥哥試試手機操控部火車仲有位HTC哥哥係旁邊悉心指導住添～

原來係試緊Zoe模式影相，等我係後面排下隊跟住先，時機一到就攞黎摸番兩下（唔好諗歪野）

拉近Ｄ先，等我又學下點玩
美化、編輯、特效、大眼細眼、瘦面美白……部New One個原生相機App都甘多功能，正呀

HTC Zoe除左係可以加入３秒短片入相，仲可以秒除或合成背景變化
喺對於眨眼同突然有人係背面入左鏡的情況真係好有用

玩到甘上下，係時侯聽下MC講野先真係好多人，逼左一排先揾到個空位
可惜錯過左時間，影唔到版主Keith的英姿添  相信為人幽默的Keith應該唔會介意GE

今日真係多重量級人馬，睇下張貓紙先：主持大局的就當然係版主Keith 同Eddie啦，而新晉ePrice測試員Eric Chan亦在場同場仲有Richard Lai (Engadget 中文版)、Sky Yee ( Android 中文資訊站) 、Carey Tsui (徐帥 ET Net  IT 版專欄作家) 等手機達人坐陣

終於到手了又好揸 又薄 又輕，真係想偷偷哋，帶佢番屋企（我係一個君子黎架，點會有D甘GE邪念，搥心口）。原本諗住叫我個肥仔朋友做我Model拎住部New One比我影，點解佢又唔肯，好彩在場幾個HTC的哥哥都好好人，先前上左側面鏡的哥哥又好熱心教我試機，E+到尼一位好心HTC哥哥同靚女姐姐幫我揸機影相。無估錯，尼張相就係用部New One拍的，幾清吧，比我部Desire清得多了

既然手上有部HTC One，就當然影番張全相留念吧～　鈦黑色的皮膚啱曬我

喺側面拍一拍佢條腰先，金屬外衣又硬淨又堅挺條邊仲係斜切添，鋁身散射出閃亮光輝

真係好薄，我部Desire同部One的9.3 mm機身厚度相比，真係唔見得人失禮曬(仲要係一年前二手買番黎添)，係部One上面反面伏左係度，真係無曬面目見人

部 New One仲有雙前置立體揚聲器（Boomsound 音響），並達到錄音室品質音效的 Beats Audio。聽在場的HTC哥哥話佢仲內建專屬擴大器。現在嘈雜的聲音也不能掩蓋One的啜子 不過最可惜係無左Home鍵但係原本本身HTC LOGO實為電容鍵​，第日改番做​Home鍵，剷除番條黑Bar就最正了

New One的背部係採用弧型設計，令其係側面看上去更薄，加上用係手上面尼就更加乎合人體工學，同更貼手舒適。另外不可不提就係背殼以一體成型鋁合金打造，真係夠曬高級不過對熱力傳導快左，更快感覺到熱力但不可以忘記，傳熱快散熱快，散熱快對手機的壽命易有幫助，不過亦是令手機的製造和量產造成很大的困難而尼個一體成型背殼亦係我對部New One另一個最鐘意的地方陽極化的鈦黑色機身也是我的最愛

而海報上的就是另一款亮銀色型號，也是挺漂亮的。而聽MC話New One會盡量係4月尾推出，而聽PCCW的銷售哥哥鍾先生話，黑色由於出貨量更少，所以會再遲D先有貨。

喺尼個時候，手快GE我又攞到部白色黎玩下機尾尼個為應該係Micro USB的接口，而機頂果面剛是一個黑色的開機按鈕，入面內建一個紅外線發射器，支援搖控電視之用。

咦？我隔離有位朋友跑僅分喎，等得睇下到時幾多分先～

結果出爐了，係24,685分，真係幾高下，果然用上高通Snapdragon 600　1.7GHz的四核心CPU係唔同D，效能非常強勁

 
順便等我試埋個Mon的可視角度先，係上圖可見S-LCD全高清輕觸屏幕係多角度觀看仍很出色
4.7 吋的屏幕大小，謂僅僅可以使用單手操作順暢

之後再講番相機方面，後置鏡頭採用400萬像數的HTC UltraPixel 相機

唔似其他廠商甘單拉高個解像度來提高像素，而拍攝效果可以係上面睇過，而係網上亦見過與水果牌的５系比較，還清析一點點對於黑暗環境的拍攝能力還十分強，試過係展場的一個望到黑暗位置的門度影，影出來仲比眼見的明亮可見F2.0大光圈的威力。

至於前置鏡頭就採用了210 萬像素和88度的廣角鏡頭，係近距也可進行多人拍攝。

更多有關相機的資料可參考這塊展板。

影左甘耐，好腳仔軟，肚仔餓好彩周到的大會還為我們準備豐富的小食不過可能好多網友都未食飯的關係，Ｄ野食好快就食曬好彩都食到個卷同嘆到杯靚烏龍茶Ｄ嘉賓就慘Ｄ，一出黎就無曬野食
不過後後來撞到版主Keith，佢話到時會請班嘉賓食野～ 食左野GE我也食得安心一點

最後很感謝ePrice.HK同HTC合辦這次體驗會令我了解到尼部機的特別，且真係一見難忙（真係好想擁有一部）。另外多謝大會送出的小贈品，加上在場的PCCW的推銷員也很落力，很熱心地為我介紹至抵的Plan，感覺到這次活動不論係介紹，試玩到預訂真係安排得十分周到且與一般的新機體驗不同，真係有得試玩，唔係研討會方式。走之前仲撞到Ｄ網友玩得好瘋狂，仲要自拍介紹（好似導遊甘，心中不禁笑了出來），今次真係玩得好開心再次多謝ePrice.HK，HTC同所人工作人員，嘉賓～ 

送上一幅現場照~ 　版主Keith，仲唔比我偷影到你　個背影　

另外有D小小的會後感：

會場佈置同登記程序做得幾好
選址的方便程度也尚可
而大會為我地提供野食亦感到十分貼心
不過係展覽機的數目仍不足夠　（不過我也體諒到情況係部HTC Ｏne的數量依然不多）