呢部 ZenFone Zoom，喺美國發佈左之後到而家都差不多一年，而 9 月的 IFA 大展中又再發佈一次，直到今日終於正式在香港現身，唔知大家覺得會唔會太遲呢? 當日推出的時候，唔少網民都對呢部 ZenFone Zoom 好感興趣，非常期待，但時隔多月，或者大家對呢部 ZenFone Zoom 嘅睇法亦有所改變。不過咁，睇番版主對上一次同大家分享 ZenFone Zoom 登錄中國工信部嘅文章，仍然見到網民對呢部 ZenFone Zoom 充滿信心。
4GB RAM ＋ 3 倍變焦相機
其實從外型上，我地已經可以好清晰地知道呢部 ZenFone Zoom 的定位，最明顯可以睇到的係佢機背潛望式設計的主鏡頭，就咁望個機背就覺得好似一部數碼相機咁。ZenFone Zoom 機身尺吋為 158.9 x 78.84 x 11.95mm，採用了 5.5 吋 IPS 屏幕，並內置 4GB RAM 以及 64GB ROM。
而相機方面，ZenFone Zoom 採用了 1300 萬像素主鏡頭以及 500 萬像素前置鏡頭，就咁睇無咩特別，但呢部手機最大的賣點所在，是佢支持 3 倍光學變焦功能。雖然 ZenFone Zoom 同 Samsung K Zoom 同樣具備光學變焦技術，不過 K Zoom 在變焦的時候鏡頭部份會突出黎，但呢部 ZenFone Zoom 就唔會。另外，ZenFone Zoom 仲會支持 12 倍數碼對焦，估計影近野嘅時候，會有唔錯的表現。
Asus 今日亦都公佈左 ZenFone Zoom 的香港行貨售價。睇番 ZenFone Zoom 的水貨賣價，之前有網民反映水貨價都要成 HK $5000。但唔知係咪因為準備出 ZenFone Zoom 香港行貨的關係，版主最近再睇番水貨的賣價已經下跌至大約四千左右，估計今日推出左之後，水貨方面會繼續跌價。至於香港的建議零售價方面，ZenFone Zoom 的行貨售價為 HK $3499，即日預售，12月18 日到貨。唔知呢個價錢，你覺得合唔合理呢? 你又能唔能夠接受?
按這裡有 ASUS Zenfone Zoom 開箱實測 + 日夜試拍
ASUS Zenfone Zoom 係文章刊登時，賣價為 $3499，按這裡有更詳細規格及賣價。
