外型及上手感：真皮背蓋，上手有份量
首先外型方面，當第一眼望呢部 ZenFone Zoom 機背嘅時候，就覺得佢嘅背蓋設計好似 Nokia 的 Lumia 1020，因為呢兩部機都採用了大圓框設計，能夠突顯鏡頭的區域。不過 ZenFone Zoom 採用了真皮材質的背蓋設計，質感上比起塑料設計相對地好。同 Samsung 的 S4 Zoom 以及 K Zoom 不同的地方是，雖然呢兩部機都能夠支持 10 倍光學變焦，但令到機身顯得比較厚。而 Asus ZenFone Zoom 就努力地盡量將機身維持輕薄，就算配備了 3 倍光學變焦模組，但機身厚度卻只有 11.95mm，亦能夠擁有光學變焦功能，實在可以話係一舉兩得。另外，ZenFone Zoom 的鏡頭模組採用左潛望式設計，就算變焦之後鏡頭都唔會突出黎，可以維持相對薄的優勢。當然，所謂的「薄」，只係相對於其他光學變焦手機，如果同一般智能手機相比，大概我地可以稱之為「磚頭」，ZenFone Zoom 的機身尺吋為 158.9 x 78.84 x 11.95 mm，重量有 185g，拎上手其實都好有份量。ZenFone Zoom 香港推出 Intel Atom Z3580 2.3GHz / 64GB ROM + 4GB RAM 版本。
▲ Zenfone Zoom 嘅背蓋加入左皮革材質，質感比剛發表時的塑料設計提升左好多。
▲ Zenfone Zoom 在機身左側下方加入吊飾孔，對於以影相為定位嘅 Zenfone Zoom 黎講，確實為佢加左唔少分。而機身右側就有音量鍵、電源鍵、錄影鍵以及快門鍵。另外，ZenFone Zoom 唔單止喺邊框上，就連機體內部都係採用左金屬材質，耐用度應該會相對提升。
▲ Zenfone Zoom 的背蓋配搭皮革材質同埋金屬材質，某程度上為呢部 ZenFone Zoom 增加左唔少美感。而這個鏡頭本身係內凹嘅，除了可以避免磨損，也可以減少撞爛嘅機會。
▲ Zenfone Zoom 正面睇同一般 Asus 嘅智能手機風格差不多，邊框方面亦比其他廠商的智能手機相對地粗。
▲Zenfone Zoom 內建 3000mAh 大電池，同時保留了可以插記憶卡的優勢。
▲ Zenfone Zoom 支援自家嘅快充，跟機有 18W 叉機，實際充電時間確實很快，僅花了 1 小時 30 分，就將 Zenfone Zoom 從 1% 衝到 100%，充電效率表現出色。
續航力測試：連續 4G 播片約 3.7 小時，成績偏低
我地而家平時用智能手機愈來愈頻密，愈來愈多人開始關注手機的續航能力，所以都特意為 Zenfone Zoom 進行續航力測試。ZenFone Zoom 配備了 3000mAh 電池，隨住大家的需求愈來愈高，估計 3000mAh 電量已經未必夠用。測試的方法係咁嘅：首先將手機嘅自動亮度關閉，並將屏幕的亮度較到最光；其次把音量設定為 50%；設定好之後，就利用 4G 數據黎播 YouTube 串流影片，睇下連續播放一個鐘之後，損耗左幾多電量，再換算出呢部 ZenFone Zoom 嘅續航能力。
▲ 連續播放一個小時之後，Zenfone Zoom 電力由 100％ 掉到 73％，損耗了 27％，換算下來，Zenfone Zoom 在電力全滿的時候，大概可以連續用 4G 網路看 Youtube 影片 3.7 個小時。
▲ 相較於 V10 的 5.55 個小時、Z5 Premium 的 4.76 個小時、Moto X Play 的 7.14 小時， Zenfone Zoom 連續播放串流的影片續航力表現低於預期。
跑分 47723，媲美 S801 處理器
至於跑分方面，今次所測試的 ZenFone Selfie 配備了 Intel Atom Z3580 2.3GHz 四核心處理器，並內置 4GB RAM 以及 64GB ROM。在進行安兔兔跑分測試之前，版主先開啟了效能模式，即是能夠保持最高 CPU 效能以及高屏幕亮度。而在效能模式下，安兔兔的跑分結果為 47723 分，僅比採用了八核心處理器的 Samsung Galaxy Note 4 低少許，以四核心處理器來說，性能尚算不錯。
▲ 在效能模式下，Zenfone Zoom 安兔兔跑分達 47,723 分。
▲ Intel CPU 好處，係跑分好高，性能差不多是 S801 的等級。不過 64bit 處理器，繼續只用 32bit Andriod，咁跟機 4GB RAM，其實得 3GB 有作用，多左個 1GB 等 ASUS 升級期票。
喇叭音量表現中上
雖然話就話呢部 ZenFone Zoom 主打相機功能，但相信大家都可能會喺屋企用佢黎播下歌或者播下片。而如果喺唔插耳機就咁播片播歌的話，音量方面都好重要。ZenFone Zoom 的機背左下方配備了單喇叭，設計望落唔起眼，不過音量、音質的表現都唔算太差。根據實測結果顯示，ZenFone Zoom 的最大音量可達 83.9 分貝，以單喇叭黎講算係中上的表現。
▲ Zenfone Zoom 搭載單喇叭，位置就配置在機背底部的左側，喇叭設計看起來並不起眼，但音量音質表現都不差。
▲ 實際測量結果，最大音量可達 83.9 分貝，以單喇叭的機種來說，算是中上表現的。
相機實拍效果：日拍表現明顯比夜拍出色
ASUS 的相機介面一直以來都好豐富，Zenfone Zoom 除左配備左 1,300 萬像素主相機之外，仲加入 10 片鏡片組成的 3 倍光學變焦模組，光圈規格則是 f/2.7-f/4.8。雖然從鏡頭光圈黎睇，比起目前主流的 f/2.0 算係比較細，但佢帶來嘅 3 倍光學變焦能力，係其他大光圈俾唔到你嘅。至於喺實際使用之後，發現如果喺唔手動調整的情況下，ZenFone Zoom 嘅成像亮度會偏低，但對比、飽和度就相對地高。雖然 ZenFone Zoom 的 3 倍光學變焦同 Samsung 嘅 K Zoom 10 倍光學變焦相比，在視覺衝擊感上嘅差異比較小，不過如果遇到環境限制嘅情況下，3 倍光學變焦都仲可以帶來一定嘅幫助。另外，對於平時比較在意畫質細節嘅人黎講，光學變焦比數碼變焦更有優勢。
夜拍部分，可能因為 Zenfone Zoom 只用 F2.7光圈 (時下大部份手機都用 F2.2 以更大) 和感光元件（1/3 吋）都比較小的關係，可以明顯發現在自動模式下其夜拍畫質並不是特別突出，雜訊表現也相對明顯。但好在 ASUS 的相機功能很多，而且具備手動模式，透過慢速快門與腳架，還是可以拍出乾淨且讓人印象深刻的夜拍照片。
▲ Zenfone Zoom 在 1,300 萬像素主相機上加入 10 片鏡片組成的 3 倍光學變焦模組。
▲ 廣角端最近拍攝距離為 5 cm，望遠端最近拍攝距離為 30 cm。
▲擁有獨立的錄影鍵和快門鍵也是 Zenfone Zoom 的一大特色！
主鏡頭自動模式實拍成像：
3 倍變焦實拍成像：
▲廣角端 ▲3 倍光學變焦
▲廣角端 ▲3 倍光學變焦
▲廣角端 ▲3 倍光學變焦
▲廣角端 ▲3 倍光學變焦
▲廣角端 ▲3 倍光學變焦
慢速快門夜拍成像：
小結
ASUS Zenfone Zoom 內建 3000mAh 電池，支持快速充電，並採用了 5.5 吋大螢幕，內置 4GB RAM 以及 64GB ROM，而且仲可以插 microSD 卡， 規格上都可以接受。不過講到主打的相機 Zoom 光學變焦功能，消費者似乎就得面對抉擇。ZenFone Zoom 三倍光學變焦雖然帶來左方便，但同時就犧牲左光圈，在日拍的時候影響並不大，3 倍光學變焦可以帶來更方便的拍照體驗，且成像畫質也還不錯；但到夜拍的時候，Zenfone Zoom 就顯得比較力不從心，成像畫質與日間拍攝會出現明顯落差。解決辦法是透過慢速快門和腳架，咁就可以拍出不錯的夜拍照片，但對於中意有手機影相嘅人黎講，方便先係最重要，你叫我下下出街帶住腳架，咁點解我唔索性帶部相機呢? 所以結論係，呢部 ZenFone Zoom 適合日拍多於夜拍，成像畫質會相對更好。
與一般手機採用數位變焦的方式相比，Zenfone Zoom 無庸置疑是有更好的畫質，但伴隨而來的就係佢更大更厚嘅體積。要如何用畫質來吸引這些追求輕便的手機用戶，就是 Zenfone Zoom 最大考驗。唔知大家會比較中意好似 Nokia Lumia 1020 這樣內建大感光元件而提供更好畫質嘅手機？抑或係 Samsung K Zoom 擁有更高倍光學變焦以增強拍照片便利性？還是好似 Zenfone Zoom 咁，在機身尺寸和變焦取得平衡嘅設計呢？跟大家分享看看吧！
ASUS Zenfone Zoom 係文章刊登時，賣價為 $3499 ，按這裡有更詳細規格及賣價。
