6.8 吋大芒進擊! 四款 ASUS Zenfone 3 兩分鐘，你會識揀

Keith Yim 2016-07-12 10:23 | Asus

今日華碩終於公佈 Zenfone 3 嘅香港上市消息！不過，大家都記得，Zenfone 3 其實有幾款! Zenfone 3 本身已有兩款屏幕版本，再加上 Zenfone 3 Ultra 及 Zenfone 3 Deluxe。到底有什麼分別？版主教你點分!

高至最低階

由最低階至高階，大家要記住，Zenfone 3 (5.2 吋) -> Zenfone 3 (5.5 吋) -> Zenfone 3 Ultra (6.44 吋) -> Zenfone 3 Deluxe。高階至低階，由 CPU 至 RAM (不單是多少)，甚至大家最關心嘅相機鏡頭、音效、電池都有唔同，所以大家千萬不要攪錯。

Zenfone 3 多左細芒版

由最基本嘅 Zenfone 3 講起。本來得一款，但今日卻加多一款，變為 Zenfone 3 (5.2 吋) 及 Zenfone 3 (5.5 吋)。看名字都知，代表了屏幕大細。但除此之外，ROM 與 RAM 也不同。Zenfone 3 (5.5 吋) 是行 4GB RAM 及 64GB ROM，而新加的 Zenfone 3 (5.2 吋) ，只有 3GB RAM 及 32GB ROM。

由 CPU 講起

Zenfone 3 行 Qualcomm Snapdragon 625 SoC！大家對 Qualcomm Snapdragon 6 系列認識比較混亂。Snapdragon 625 跟 Sony Xperia X 採用嘅 S652 係兩個不同的處理器。要分別嘅話，S625 係用 14nm 制制嘅八核心 2.0GHz Cortex A53 嘅處理器，好處係比起 28nm 製程的 S617 與 S652 都來得慳電。Qualcomm 自己都咶，比起 S617 更慳電多三成。大家記得 ePrice 嘅 HTC 測試員，為用 S617 嘅 HTC one A9 做過嘅電量實測，2150mAH 電池可以打敗 Zenfone 2 Deluxe，但係 Zenfone Selife 裡面，應該再無呢支歌仔唱。不過，S625 採用嘅 GPU 是 Adreno 506，最多支援 Full HD 解像度，令 Zenfone 3 與 4K 世界絕緣。

Zenfone 3 Deluxe 採用 Snapdragon 821 SoC (也有 S810 版本)，S821 呢粒 CPU 與 Sony、LG、Samsung、HTC 嘅旗艦都用上 S820 有少少不同，主要是 Clock Speed 更快，達到 2.4GHz，其 3D 效能、慳電情況，應與 S810 差不多。版主不再多談。但大家要記住，最多人論嘅 6.8 吋巨芒 Zenfone 3 Ultra，其實唔係採用最 Top SoC，只係用上 S652，跟 Zenfone 3 嘅 S625 相比，S652 用 Adreno 510 GPU 圖像處理器，原生支援 4K 解碼，但 Zenfone 3 Ultra 只有 Full HD 芒，但 4GB RAM 及 64GB ROM 是亮點。相比 Qualcomm S820，其實 S652 有更好嘅省電效果，再配上 4600mAh 電池，相信電量亦沒有太大問題。

▲ Zenfone 3 一分為二，有 5.2 吋芒 (左) 及 5.5 吋芒 (右) 版本。

相機也不同

Zenfone 3、Zenfone 3 Deluxe 與 Ultra 的相機，都係唔同。Zenfone 3 Deluxe 與 Zenfone 3 Ultra 採用 Sony IMX318 呢粒感光元件，可以拍到二千二百萬像素相片，亦係呢粒感光元件，首次用係手機上面。值得注意係，IMX318 用 cell size unit 只係 1.0 μm x 1.0 μm只係比起 Sony XP 嘅 IMX300 嘅 1.1 μm x 1.1 μm 來得更細。不過，之前 ASUS 強調引入了 Qualcomm CPU 嘅影像處理技術，效果如何，就要睇實測。至於 Zenfone 3 的相機模組為 Sony IMX298 影到 1600 萬像素相片。而 IMX298 係小米 5 都用緊，大家可以想像一下拍攝效果。

音效又如何

四款 Zenfone 3 都攞到日本 Hi-res Audio 認證，即係支援高清播放。其實，Qualcomm 由 S617 處理器開始，Snapdragon 6 系與 8 系 Soc 已內置了 DAC，所以共要肯開啟 Hi-Res 部份，音效唔會差得好遠。Zenfone 3 Ultra 仲有兩個其他款式無嘅音效攪作，一個係支援 Dolby 7.1 音效，另一個係類似 HTC Boomsound 嘅前置雙立體聲揚聲器。Zenone 3 與 Zenone 3 Deluxe 都有一個很響嘅揚聲器，但唔係雙聲道。