ASUS ROG Phone 7 呢度買有新低價
其實接近九月嘅時候，ASUS 官方就推出咗 Back to School 優惠，將三部 ASUS 手機限時快閃減價，但可惜當時版主格價之後，就發覺得一部叫做平少少，其他都無乜特別有減到。然而，最近就留意到，csl eShop 網店將 ROG Phone 7 減至新低價，12GB+256GB 版本最新賣價為 $6798，相比建議零售價嘅 $7998 減咗 $1200，而 16GB+512GB 最新賣價則為 $7798，同樣係即減 $1200 嘅折扣。再睇返豐澤網店現時網店價，都仲係之前八月嗰陣嘅價錢，可見 csl eShop 網店所賣嘅價錢更低。見到寫住優惠期至 9 月 30 日，送專用手機殼 + 原廠保護貼，網友又會唔會考慮喺 csl eShop 網店入手呢？按這裡有購買傳送門
ASUS ROG Phone 7 硬件規格
規格方面，ROG Phone 7 具有 6.78 吋屏幕，支持 165Hz 屏幕刷新率，亮度相比上代提高 50%，配備 Qualcomm Snapdragon 8 Gen 2 處理器，電池容量為 6000mAh，並支持 65W PD3.0 快速充電以及 QC5.0。相機部分，ROG Phone 7 用上 5000 萬像素廣角 + 1300 萬像素超廣角 + 800 萬像素微距鏡頭，前置鏡頭則為 3200 萬像素。按這裡或按下圖有 ASUS ROG Phone 7 詳細規格及最新賣價
最後，市場上 S8 Gen 2 嘅手機都有唔少選擇，大家可以按呢度或按下圖進入 ePrice 手機比拼系統，比較唔同 S8 Gen 2 手機嘅詳細硬件規格，同時你亦可以自行加入你想比較嘅手機。
