點解要趁住今個聖誕，去買 ROG Phone 9 系列呢？我咁講得，當然有我嘅理由！其中就包括以下幾點：
001：聖誕有優惠，買機送 HK Express 禮券請你去旅行
知道好多 ePrice 網友都係對價錢或者優惠敏感嘅一群，所以着數當然就行先，由 2024 年 12 月 19 日起至 1 月 8 日，只要購買 ROG Phone 9 系列電競旗艦手機，就會送 $500 HK Express 禮券，可以畀你去旅行時買機票時使用。即使趕唔切聖誕去，但都可以買定下年機票，Plan 得嚟都差不多！除左送 $500 HK Exprss , 官方網店仲有信用卡免手續費分期、trade-in 額外送多 $500 回贈、Shopback 平台現金回贈呢啲優惠，加加埋埋都幾多著數㗎！作為參考，都同大家先講返，ROG Phone 9 系列個香港價錢，內置 16GB+512GB 版本的 ROG Phone 9，香港建議零售價為 $8998；同樣為 16GB+512GB 版本的 ROG Phone 9 Pro，建議零售價為 $9598；至於最高配用上 24GB+1TB 版本的 ROG Phone 9 Pro Edition，建議零售價則為 $11498，仲勁過我屋企部電腦！而家送埋機票禮券畀你，最重要係呢部手機唔單止淨係打機勁，其他日常使用方面，好似影相等方面，表現都同樣出眾，絕對係一部一機走天涯的手機。
002：性能超強，用上目前最強 Qualcomm 處理器
性能係一部電競手機最重要嘅一環，而 ROG Phone 9 系列作為電競手機嘅最強代表，當然唔會令人失望！ROG Phone 9 系列配備咗 Qualcomm Snapdragon 8 Elite 處理器，而且好似頭先所講，佢最勁嗰部甚至有 24GB RAM + 1TB ROM 咁誇張，比起我屋企部電腦仲要猛，當然 RAM ROM 幾大又唔代表啲乜，但都意味咗佢進行多工處理嘅時候，都可以好屈機，而且佢係採用咗台積電第二代 3nm 制程，唔單止無異常過熱問題，而且經過唔同嘅跑分平台測試，表現亦都非常出色，可以話係目前性能最強嘅 Android 手機。
▲Geekbench 測試結果
▲ PCmark 測試結果
▲ 3Dmark 測試結果。
003：針對打機加入更多 AI，打機表現出色
進入 AI 時代，好多手機廠都紛紛為佢哋自家手機加入各種 AI 應用，當然 ROG Phone 9 系列也不例外，好似 AI 桌面、錄音摘要等功能，佢都一樣有。不過佢比起一般 Android 手機再走前一步，畢竟佢係一部專為遊戲而生嘅電競手機，無可能無一些針對遊戲推出嘅 AI 功能，例如可以喺遊戲入面自動升級技能、自動加速對話情節、遊戲中快搜功能等等，甚至仲可以幫你自動喺重要嘅環節中，幫你錄低各種精彩畫面，等你可以透過 AI 輔助，令到遊戲更得心應手。另外，喺部份優化過嘅遊戲入面，ROG Phone 9 系列更設定了一些 Air Trigger 的建議給用家，方便玩家玩遊戲時更得心應手。
▲ ROG Phone 9 Pro 具備遊戲精靈功能，佢就好似一個遊戲助理，可以喺遊戲中協助玩家更快速咁切換設定或者是開啟輔助功能。
▲遊戲精靈左半邊主要係設定方面嘅功能，就好似如果你需要開啟 185Hz 嘅刷新率，就可以喺呢邊設定，如果唔係一般你去手機設定入面，最高只可以達到 165Hz。
▲ 而喺遊戲 AI 功能部分，遊戲精靈提供咗致勝攻略、AI 遊戲幫手與 AI 快搜這幾個主要嘅應用。其中 AI 辨識快搜，係可以畀你喺遊戲嘅時候，就算唔跳出遊戲畫面都可以進行搜尋或翻譯。
▲至於「致勝攻略」裡面主要係針對已優化嘅遊戲，加入 L、R 快捷鍵的建議，可以更快速啟動需要嘅功能或者動作。
▲而 AI 遊戲幫手則提供咗自動加速遊戲中對話環節嘅功能，有時候玩遊戲嘅時候，最憎對話過程太過冗長，玩家仲要係咁一段一段確認對話，但透過呢個功能就可以自動加速對話過程。
▲此外，對於一些玩家常常需要錄下重要畫面到網路上跟其他人分享，呢款手機亦加入咗 AI 精華錄影功能，可以喺支援嘅遊戲入面，自動錄下重要片段，遊戲過程中就可以唔使為咗畫面錄影而分心，不過目前只支援傳說對決、原神、崩壞:星穹鐵道等遊戲。
004：影相功能同樣齊全，穩定性高
ROG Phone 9 系列唔單止只係一部「遊戲機」，佢仲係一部影相都表現不錯嘅「相機」，無論係 ROG Phone 9 定係 ROG Phone 9 Pro，主相機都是採用了 Sony LYT700 作為感光元件，具有 5000 萬像素，最厲害嘅地方在於加入六軸防震微雲台 4.0 技術，可以校正高達 5 度內嘅晃動，因此可以提供出色夜拍以及錄影穩定效果。此外，兩款手機都具有 120 度廣角嘅 1300 萬像素超廣角鏡頭。而 ROG Phone 9 以及 ROG Phone 9 Pro 第三個鏡頭則有好大差距，ROG Phone 9 用的係一個 500 萬像素嘅微距鏡頭，而 ROG Phone 9 Pro 則用上 3X 焦段嘅 3200 萬像素望遠鏡頭，而且具備防手震功能，支持 10-30 倍數碼變焦。
再講返主鏡頭，經過實拍測試，我哋可以見到具備六軸微雲台嘅主鏡頭，除咗成像色彩鮮艷，飽和度充足，而就算去到極緻夜拍環境下，表現都好出眾，透過長時間快門嘅夜間拍攝模式，可以獲得更光亮、清晰嘅夜拍相片，而且錄影模式更可進行最高 8K 影片攝錄。
▲ 在日間場景下使用「AI 快門追焦」拍攝汽車移動，可以拍出動態十足的追焦照片，你睇到成像係唔係相當有 feel 呢！
 |
 |
 |
 |
 |
 |
 |
 |
 |
 |
005：超強續航
除咗打機勁、功能實用，ROG Phone 9 系列更有 5800mAh 大電，容量比起市面上大部份的手機都還要大，而且具備 65W 有線充電以及 15W 無線充電。我們亦有做過測試，將自動亮度關閉，手機亮度以及音量調整到 50%，並調校到自動刷新率，以連接 WiFi 嘅方式連續播放 1 個小時嘅 YouTube 1080p 高畫質串流影片，電量由 77% 降至 73%，播放那麼久只下跌了 4%，換算起上來，ROG Phone 9 系列可以連續播放 25 小時高畫質串流影片，續航表現超強。我哋都有試過將手機電量用到只剩低 1%，透過跟機嘅充電器、充電線進行充電，從電量監控程式紀錄可以見到，從 21:12 開始充電，10 分鐘就叉到 28%，19 分鐘就叉到 50%，51 分鐘就將 5800mAh 電池叉滿，呢個速度相比起某韓國品牌或者水果品牌，已經算係相當唔錯。
▲ROG Phone 9 Pro 從 1% 充電到 50% 只花了 19 分鐘。
006：外觀靚仔，辨識度超高
最後不得不提的，是 ROG Phone 9 系列一如既往一樣，都係辨識度超高，雖然 ROG Phone 9 同埋 ROG Phone 9 Pro 兩部手機外觀上有少少唔同，但尺寸、體重都係一致，都係 163 x 77 x 8.9mm，而重量則為 227g。而兩部手機最突出嘅地方，係佢背蓋都會有 Anime Vision 點陣顯示功能，不過 9 Pro 顯示範圍更大，有 648 點，比起基本版嘅 85 點多好多，導致手機可以帶來更豐富嘅顯示內容，例如時間、電量等等，甚至今代就連機背都加入埋 Anime Play，可以玩一些簡單嘅小遊戲，利用 Air Trigger 去控制，令手機變成正反兩面都可以用來打機嘅電競手機。
▲ ROG Phone 9 Pro 最大嘅外觀特色就是背蓋這塊 Anime Vision 點陣顯示功能。
▲ Anime Vision 可以顯示電量。另外 Pro Edition 版本嘅話，仲會送埋散熱風扇，用上呢個散熱風扇，可以令手機增添重低音喇叭功能，變成一個散熱、手機支架、重低音喇叭，而且仲具備電競燈效以及遊戲快捷按鍵嘅多功能配件。
▲ ROG Phone 9 Pro 機背而家仲可以玩小遊戲添！
睇完以上 ROG Phone 9 系列嘅賣點，你有無少少心郁想立即去買機呢？唔好再諗，如果有興趣入手，就趁住而家聖誕節就好出手，送埋 HK Express 禮券，真係好正㗎！你又點睇呢？
資料由客戶提供